Andi di Bëibel ta taki?
A libisëmbë keiki kumutu ö?
SO SËMBË TA BIIBI TAA a libisëmbë keiki kumutu. Woto sëmbë ta pakisei taa Gadu ta wooko ku keiki faa mbei sëmbë ko dë mati ku ën. Ma andi ii pakisei?
ANDI DI BËIBEL TA TAKI
„Di leti fasi fii dini Gadu u Tata, . . . hën da i ta dini Gadu a wan gbelingbelin fasi” (Jakobosi 1:27). U ta fusutan taa Gadu hën ta lei u andi da di gbelingbelin fasi fa u musu dini ën.
UN WOTO SONI U SA LEI A DI BËIBEL?
Ee sëmbë kë dini Gadu a wan fasi di ta kai ku ën, nöö di fasi fa de ta dini ën musu kai ku di Bëibel.—Johanisi 4:23, 24.
Te sëmbë ta dini Gadu kumafa deseei ta pakisei, nöö u sösö de ta du ën. Maikusi 7:7, 8.
I musu u dë a wan keiki ö?
UNFA I BI O PIKI?
Aai
Nönö
A sa dë sö
ANDI DI BËIBEL TA TAKI
„Un boo buta mëni a di fa u sa du heepi u seei fuu libi bunu ta lobi u seei makandi. Wan boo disa u ta miti makandi” (Hebelejën 10:24, 25). Gadu kë u dee dinima fëën ta ko makandi kuma sëmbë di ta dini ën makandi.
UN WOTO SONI U SA LEI A DI BËIBEL?
Dee sëmbë dee ta dini Gadu musu ta biibi di wan seei soni.—1 Kolenti 1:10, 11.
Dee sëmbë dee ta dini Gadu a di fasi di ta kai ku ën dë kuma baaa ku sisa a hii së u goonliba.—1 Petuisi 2:17.
