DI HEI WAKITIMAWOSU (U LEI SONI A KOMAKANDI) höndima-liba 2020
Di Hei Wakitimawosu aki abi dee woto dee woo luku a 3-30 u tanvuuwata-liba 2020.
„Be di në fii ko santa”
Woto 23: 3-9 u tanvuuwata-liba 2020. Andi da wan soni di dë fanöudu da libisëmbë ku dee ëngëli tuu? Faandi mbei di soni dë dë fanöudu sö? Nöö unfa di soni aki nama ku u tu? Te u ko fusutan dee soni aki ku wantu fanöudu soni jeti, nöö de o heepi u fuu ku Jehovah ko dë möön gaan mati.
„Heepi mi u mi sa lesipeki i në ku hii mi hati”
Woto 24: 10-16 u tanvuuwata-liba 2020. A di woto aki woo taki u di soni di Könu Dafiti bi piki Jehovah, di sikifi a Psalöm 86:11, 12. Andi a kë taki taa wan sëmbë musu abi gaan lesipeki da Jehovah? Faandi mbei u musu abi gaan lesipeki da Jehovah? Unfa di gaan lesipeki di u abi da Gadu sa heepi u fuu finga futu da tesi?
Soni di dee lesima hakisi
Dee fasi di di Bëibel ta kai a Galasia 5:22, 23, de nöö da dee fasi di di jeje u Gadu ta mbei sëmbë ko abi ö?
„Mi seei o suku dee sikapu u mi”
Woto 25: 17-23 u tanvuuwata-liba 2020. Unfa a du ko taa so sëmbë di dini Jehovah sömëni jaa longi seei nango disa di kemeente? Unfa Jehovah ta si dee sëmbë dë? Wë di woto aki o piki dee hakisi aki. A o taki tu u di soni di u sa lei a di fasi fa Jehovah bi heepi so sëmbë na awooten. So u dee sëmbë aki bi go disa Jehovah u wan kölö pisiten.
„Toona ko a mi”
Woto 26: 24-30 u tanvuuwata-liba 2020. Jehovah kë u dee sëmbë dee an ta ko a dee komakandi möön, nasö dee an ta peleiki möön, toona ko nëën baka. U sa du sömëni soni u da dee lö sëmbë aki taanga u de „toona ko” a Jehovah baka. A di woto aki, woo taki unfa u sa heepi de u de du di soni aki.
