„Buta futoou a Jehovah, nöö du bunu soni”
„Buta futoou a Jehovah, nöö du bunu soni . . . söseei du soni di ta lei taa i ta hoi iseei nëën.”
KANDA: 133, 63
1. Un apaiti köni Jehovah da libisëmbë di a mbei de?
JEHOVAH mbei libisëmbë, nöö a da de apaiti köni. A mbei u a sö wan fasi taa u sa ta pakisei soni, nöö di soni aki ta heepi u fuu sabi unfa u musu puu useei a fuka, söseei fuu taki andi woo du (Nöngö 2:11). A ta da u kaakiti, sö taa u sa du dee soni dee u buta taa woo du (Filipi 2:13). A da u wan háti, di sa ta piki u andi da bunu ku andi da hogi. Di háti fuu ta heepi u fu wa du zöndu. A ta heepi u tu fuu toona du bunu soni te u mbei wan föutu.
2. Unfa Jehovah kë fuu wooko ku dee köni fuu?
2 Jehovah kë fuu wooko ku dee köni fuu a wan bunu fasi. Ma faandi mbei? Wë u di a lobi u, söseei a sabi taa woo ta dë waiwai te u ta wooko ku dee köni dee a da u. A dee Hebelejën buku u Bëibel, u ta lesi taa: „Te wan sëmbë ta wooko taanga, nöö dee soni dee a buta taa a o du, o tja wini ko dëën.” U ta lesi tu taa: „Hii soni di i maun feni u du, du ën ku hii i Nöngö 21:5; Peleikima 9:10). A dee Giiki buku u Bëibel, u ta lesi taa: „Ee u feni pasi u du wan sëmbë bunu nöö u musu du ën wante. Sö u musu libi ku hii sëmbë e.” Söseei u ta lesi taa: „Fa Masa Gaangadu paati dee köni fëën da unu dë, hiniwan fuunu musu ta wooko ku di fëën a wan fasi di ta heepi otowan e” (Galasia 6:10; 1 Petuisi 4:10). A dë gbelingbelin u si taa Jehovah kë fuu du hii soni di u sa du, di sa tja wini ko da u, ku wotowan tuu.
kaakiti” (3. Andi da dee soni dee u kuma libisëmbë an sa du?
3 Jehovah kë fuu wooko ku dee köni dee a da u, ma a sabi taa wa sa du hii soni. Biga wa sa puu zöndu ku dëdë (1 Könu 8:46). Söseei wa sa taki da woto sëmbë andi de musu du, u di hii sëmbë sa taki da hënseei andi a kë du. Aluwasi u sabi hia soni seei, tökuseei nöiti woo sa sabi soni kuma Jehovah.
Te i dë ku fuka, nöö i musu ’buta futoou a Jehovah, nöö i musu ta du bunu soni’ tu
4. Andi woo luku a di woto aki?
4 Hii juu u musu ta da Jehovah pasi faa tii u, nöö u musu biibi taa a sa heepi u, söseei taa a sa du dee soni dee useei an sa du. Ma tökuseei Jehovah kë taa u musu go pakisei luku unfa u sa puu useei a fuka, söseei unfa u sa heepi wotowan. (Lesi Psalöm 37:3.) U musu ta ’buta futoou a Jehovah, nöö u musu ta du bunu soni’. U musu „du soni di ta lei taa u ta hoi useei nëën”. Unfa u sa du di soni aki? Boo go luku di woto u Noa, di u Dafiti, ku di u dee woto dinima u Jehovah di bi ta hoi deseei nëën. Woo si taa soni bi dë di de an bi sa du, ma de bi buta taa de o buta pakisei a dee soni di de bi sa du.
TE U TA SI HOGIHATI SONI HII DAKA
5. Konda unfa soni bi dë da Noa.
5 Noa bi ta libi a wan ten ka „hogidu bi fuu goonliba”, nöö sëmbë bi ta libi fanafiti a di së u manu ku mujëë soni (Kenesesi 6:4, 9-13). Hii fa Noa bi sabi taa Jehovah bi o kii dee hogihati sëmbë, tökuseei dee soni di dee sëmbë bi ta du bi musu u ta toobi ën. A di ten dë, Noa bi ko fusutan taa soni bi dë di an bi sa du, ma a bi fusutan tu taa soni bi dë di a bi sa du.
Te sëmbë an kë haika di bunu buka (Luku palaklafu 6-9)
6, 7. (a) Andi Noa an bi sa du? (b) Unfa dee seei soni di bi ta miti Noa, ta miti u tu?
6 Dee soni dee Noa an bi sa du: Noa bi ta paaja di bosikopu u Jehovah, ma an bi sa duwengi sëmbë u de tei di bosikopu di a bi ta paaja. Nöö an bi sa mbei di Gaan Wata ko möön hesi tu. Noa bi musu abi di futoou taa Jehovah o puu hogidu a di goonliba, kumafa a bi paamusi. Nöö a bi musu biibi tu taa Gadu bi o du di soni aki a di möön bunu ten.
7 Useei ta libi a wan goonliba ka sëmbë ta du hogi te a hia, ma u sabi taa Jehovah o kii dee hogihati sëmbë (1 Johanisi 2:17). Ma wa sa musu dee sëmbë u de tei di „bunu buka u di Könuköndë”. Söseei wa sa mbei di „gaan fuka” ko möön hesi tu (Mateosi 24:14, 21). U musu abi wan taanga biibi kuma di u Noa, nöö u musu ta biibi taa abiti möön Gadu o puu hogidu a goonliba (Psalöm 37:10, 11). U dë seiki taa Jehovah an o mbei di hogi goonliba aki dë möön longi möön fa a bi abi a pakisei.
U musu abi wan taanga biibi kuma Noa, nöö u musu ta biibi taa abiti möön Gadu o puu hogidu a goonliba
8. Na un soni Noa bi ta buta hii hën pakisei? (Luku di peentje a bigi u di woto.)
8 Dee soni dee Noa bi sa du: Noa an bi lasi hati, u di an bi ta buta pakisei a soni di an bi sa du, ma a bi ta buta pakisei a soni di a bi sa du. Noa bi ta bai dee sëmbë taa Jehovah o kii de ee de an tooka di fasi fa de bi ta libi (2 Petuisi 2:5). A musu u dë sö taa di wooko aki bi heepi ën faa abi wan taanga biibi. Boiti di peleiki di Noa bi ta peleiki, a bi piki Jehovah buka tu di a bi mbei di ark.
9. Unfa u sa djeesi Noa?
9 Leti kumafa Noa bi ta „biinga hiniwanten a di wooko u Masa”, sö nöö useei ta du ën a di ten aki tu (1 Kolenti 15:58). Kandë u sa heepi mbei Könuköndë zali, nasö zali ka u ta hoi gaan komakandi, söseei u sa ta heepi du wooko te de ta hoi dee gaan komakandi. U sa go heepi a wan bëikantoo, nasö a wan kantoo ka de ta puu buku ko a woto töngö. Ma di möön fanöudu soni hën da u musu ta du di peleikiwooko hii juu, u di a o heepi u fuu ko ta biibi dee soni di Gadu paamusi u möön gaanfa. Wan sisa di abi wan taanga biibi bi taki taa te a ta konda soni u dee gaan bunu di di Könuköndë u Gadu o da u, nöö a ta ko si taa gaansë u sëmbë an ta si taa wan möön bunu ten sa ko, nöö de an ta si taa dee fuka u de o kaba wan daka. Wë kumafa di sisa aki bi taki, nöö u sabi taa soni o waka möön bunu a di ten di ta ko, nöö te u ta konda dee soni aki da wotowan, nöö di biibi fuu ta ko möön taanga. Di soni aki sa heepi u fuu ta biinga nöömö fuu feni libi!
TE U DU ZÖNDU
10. Konda andi Dafiti bi du.
10 Könu Dafiti bi dë wan womi di bi ta hoi hënseei a Jehovah, nöö Jehovah bi lobi ën gaanfa seei (Tjabukama 13:22). Ma tökuseei Dafiti bi duumi ku Batiseiba, nöö di soni dë bi dë wan gaan zöndu. Di möön hogi soni di a du, hën da a suku u tjubi di zöndu fëën. A bi seeka soni u de kii di manu u Batiseiba de kai Ulia, a wan gaan feti. Dafiti bi sikifi wan biifi di ta taki unfa di soni aki bi musu pasa, nöö ku Ulia seei a bi manda di biifi aki go (2 Samuëli 11:1-21). Te u kaba fëën, sëmbë ko jei di zöndu di a du (Maikusi 4:22). Andi Dafiti bi du di sëmbë ko jei di soni aki?
Dee zöndu dee i bi du (Luku palaklafu 11-14)
11, 12. (a) Andi Dafiti an bi sa du, baka di a bi du zöndu? (b) Andi Jehovah o du da u ee u ta tjali tuutuu u dee zöndu fuu?
11 Dee soni di Dafiti an bi sa du: Dafiti an bi sa tooka di soni di a bi du. Hii hën libi longi a bi o tja sitaafu u di zöndu di a bi du (2 Samuëli 12:10-12, 14). Fëën mbei a bi musu abi biibi. A bi musu biibi taa te a bi o tjali u di zöndu fëën tuutuu, nöö Jehovah bi o dëën paadon, söseei a bi o heepi ën faa tja dee fuka fëën.
12 U di hii u tuu da zöndu libisëmbë, mbei hii u tuu ta du zöndu. Ma so u dee zöndu dee u ta du ta hogi möön wotowan, nöö so juu wa sa tooka di soni di u bi du möön. So juu useei musu tja dee sitaafu u dee zöndu fuu (Galasia 6:7). Gadu paamusi u taa ee u tjali u di zöndu di u du, nöö a o heepi u a di taanga ten dë, hii fa useei hën mbei di fuka dë miti u. Nöö u ta biibi di soni di a paamusi u aki.
13. Unfa Dafiti bi ko dë gaan mati ku Jehovah baka?
13 Dee soni di Dafiti bi sa du: Dafiti bi kë ko dë gaan mati ku Jehovah baka. Unfa a bi du di soni aki? Dafiti bi mbei Jehovah heepi ën. A bi tei dee lai di di tjabukama u Jehovah de kai Naatan bi dëën (2 Samuëli 12:13). Dafiti bi begi Jehovah tu, nöö a bi konda dëën un zöndu a bi du. Di soni aki ta lei taa a bi kë u Jehovah feni ën bunu baka (Psalöm 51:1-17). Dafiti an bi ta fii booko saka pasa maaka, ma a bi lei soni a dee föutu di a bi mbei. An bi du dee gaan zöndu dë möön. Baka sömëni jaa seei a bi hoi hënseei a Jehovah u te fa a dëdë, nöö Jehovah an fëëkëtë ën.
14. Andi u sa lei a di woto u Dafiti?
14 Andi u sa lei a di woto u Dafiti? Ee u du wan gaan zöndu, nöö u musu tjali tuutuu u di zöndu di u du, söseei u musu konda da Jehovah andi u du, nöö u musu hakisi ën faa da u paadon (1 Johanisi 1:9). U musu go fan ku dee gaanwomi u di kemeente tu, u di de sa heepi u fuu ko dë mati ku Jehovah baka. (Lesi Jakobosi 5:14-16.) Te u ta mbei Jehovah heepi u, nöö u ta lei taa u ta biibi taa a o da u paadon kumafa a bi paamusi u. Boiti di dë, u musu lei soni a dee föutu dee u mbei, nöö u musu dini Jehovah go dou.
TE U ABI WOTO BOOKOHEDI
Te i dë ku suwaki (Luku palaklafu 15)
15. Andi u ta lei a di woto u Hana?
15 Kandë i sabi woto dinima u Jehovah di bi ta buta futoou nëën, di bi ta du hii soni di de bi sa du, hii fa soni bi ta taanga da de. Wan pisiten Hana an bi sa pai miii. An bi sa du na wan soni faa bi sa pai wan mii. Ma a bi abi di biibi taa Jehovah bi o dëën kötöhati. Fëën mbei hii juu a bi nango dini Jehovah a di tenti fëën, nöö a bi ta begi ën ta piki ën unfa a ta fii (1 Samuëli 1:9-11). Wë u sa lei soni a di woto aki seei! Te u dë ku suwaki nasö te woto fuka ta miti u ka wa sa du na wan soni, nöö u ta tuwë dee fuka fuu da Jehovah, u di u ta biibi taa a ta booko hën hedi ku u (1 Petuisi 5:6, 7). U ta du hii soni di u sa du fuu sa feni wini a dee kemeente komakandi fuu, söseei a dee woto komakandi di di ölganisaasi u Jehovah ta seeka da u.
Hana bi abi futoou a Jehovah. Fëën mbei hii juu a bi nango dini Jehovah a di tenti fëën, nöö a bi ta begi ën tu
Te wan mii fii an ta dini Jehovah möön (Luku palaklafu 16)
16. Andi dee mama ku dee tata sa lei a di woto u Samuëli?
1 Samuëli 8:1-3). Samuëli bi musu disa hii soni da Jehovah. Ma a bi du hii soni di a bi sa du, u hoi hënseei a Gadu, söseei u du soni di ta kai ku di Tata fëën di dë a liba ala (Nöngö 27:11). A di ten aki, di wan seei soni ta miti sömëni mama ku tata di dë Keesitu sëmbë. De ta biibi taa leti kumafa Jesosi bi taki u wan tata di bi toona tei di womi mii fëën ku wai u di a bi tjali u di zöndu fëën, sö nöö Jehovah dë kabakaba u toona tei wan sëmbë di tjali u di zöndu fëën (Lukasi 15:20). Dee mama ku dee tata sa ta buta pakisei a di hoi di de musu hoi deseei a Jehovah, nöö de sa abi di biibi taa di fasi fa de ta libi sa mbei dee mii u de toona ko a Jehovah baka.
16 Unfa a dë ku dee mama ku dee tata dee ta hoi deseei a Jehovah, di abi miii di go disa Jehovah? Di tjabukama de kai Samuëli an bi sa duwengi dee mii fëën u de hoi deseei a Jehovah (Pena (Luku palaklafu 17)
17. Faandi mbei u sa taki taa di woto u di pena mujëë di manu fëën bi dëdë, sa da u taanga?
17 Wan woto sëmbë di u sa lei soni nëën, da di pena mujëë di manu fëën bi dëdë, di bi ta libi a di ten u Jesosi. (Lesi Lukasi 21:1-4.) Di mujëë aki an bi sa du na wan soni u tapa dee hogi soni di dee sëmbë bi ta du a di Wosu u Gadu, söseei an bi sa puu hënseei a di pena di a bi ta pena (Mateosi 21:12, 13). Ma di futoou di a bi ta futoou Jehovah bi mbei a bi ta du soni di nama ku di tuutuu biibi. A bi ’tja tu köpö sensi fëën go tuwë a di këdë’, hii fa di möni dë nöö a bi abi. Di mujëë aki bi lei taa a ta futoou Jehovah ku hii hën hati. A bi sabi taa ee a bi buta di dini u Jehovah a di fosu kamian, nöö Jehovah bi o dëën dee soni dee a bi abi fanöudu. A di wan seei fasi, useei ta biibi taa te u ta buta di Könuköndë u Gadu a di fosu kamian a u libi, nöö Jehovah o da u dee soni dee u abi fanöudu tu.
18. Konda unfa wan baaa bi ta si soni a wan bunu fasi.
18 Sömëni u dee baaa ku dee sisa fuu a di ten aki, ta lei taa de ta futoou Jehovah tu, u di de ta buta pakisei a dee soni di de sa du, ka u de ta buta pakisei a soni di de an sa du. Boo luku wan woto u wan baaa de kai Malcolm, di bi hoi hënseei a Jehovah hii hën libi u te a dëdë a di jaa 2015. A dee sömëni jaa di hën ku hën mujëë bi dini Jehovah, nöö hogi soni ku bunu soni tuu bi ta miti de. A bi taki taa: „So juu ja ta saandi o pasa a di libi fii, nöö soni sa ta taanga da i. Ma Jehovah ta mbei dee sëmbë dee ta buta futoou nëën feni gaan bunu.” Un lai Malcolm bi da u? Wë a bi taki taa: „Begi Jehovah fii dë fajafaja fii du hii soni di i sa du a di dini fëën, söseei fii go a fesi a di biibi. Buta pakisei a dee soni dee i sa du, ma na a dee soni dee ja sa du.” *
19. (a) Faandi mbei u sa taki taa di tëkisi u di jaa 2017 da wan tëkisi di fiti seei? (b) Unfa joo du dee soni di di tëkisi u di jaa 2017 ta taki?
19 Di goonliba aki „ta hogi nango fesi nöömö”. Fëën mbei u sa sabi taa möönmöön fuka o ta miti u (2 Timoteo 3:1, 13). Wa musu ta booko u hedi pasa maaka ku dee fuka dee ta miti u, möönmöön a di ten di u ta libi aki. Ma u musu abi wan taanga biibi a Jehovah, nöö u musu ta buta pakisei a dee soni dee u sa du. Fëën mbei di tëkisi u di jaa 2017, da wan tëkisi di fiti seei. Di tëkisi aki da: „Buta futoou a Jehovah, nöö du bunu soni”!
Di tëkisi u di jaa 2017: „Buta futoou a Jehovah, nöö du bunu soni . . . söseei du soni di ta lei taa i ta hoi iseei nëën.”
^ pal. 18 Luku di Waktitoren u 15 u tinimu-liba 2013, bld. 17-20.