WOTO 5
Un pei sëmbë u ta lei taa u dë te u nango a dee komakandi?
’Un musu ta mëni fa Masa Jesosi dëdë da u, nöö un musu ta du ën sö fu te a toona ko baka.’—1 KOL. 11:26.
KANDA 18 U tei di lusupaima u bigi
WANTU SONI U DI WOTO *
1, 2. (a) Andi Jehovah ta si te milionmilion sëmbë ta ko makandi u hoi di Ndeti Njanjan u Masa? (Luku di footoo u di kafiti.) (b) Fuun soni woo taki a di woto aki?
PAKISEI andi Jehovah ta si te milionmilion sëmbë a hii së u goonliba ta ko makandi u hoi di Ndeti Njanjan u Masa. Na di hia di dee sëmbë hia nöö a ta luku, ma a ta si hiniwan sëmbë di ko a di komakandi dë. A ta si dee sëmbë dee abi di guwenti u ta ko hiniwan jaa a di komakandi. So u dee sëmbë dë ta ko, hii fa sëmbë ta du ku de gaanfa seei. Wotowan an ta ko a dee woto komakandi dee u ta hoi hiniwan wiki, ma de ta si taa a dë fanöudu u de ko mëni di dëdë u Jesosi. Boiti di dë, Jehovah ta si dee sëmbë dee ta ko mëni di dëdë u Jesosi di fosu pasi, u di de kë ko sabi unfa di komakandi dë ta hoi.
2 U dë seiki taa Jehovah ta wai te a ta si taa sö hia sëmbë ta ko mëni di dëdë u di Womi Mii fëën (Luk. 22:19). Ma na ku di hia sëmbë di ta ko a di komakandi, Jehovah ta booko hën hedi sö. Ma a ta möön booko hën hedi ku di soni mbei sëmbë ta ko a di komakandi aki. A di woto aki, woo taki u wan fanöudu soni. Di soni dë da: Faandi mbei na a di komakandi ka u ta mëni di dëdë u Jesosi nöö u musu nango, ma u musu nango hiniwan wiki a dee woto komakandi tu, di Jehovah seti da dee sëmbë dee lobi ën?
Milionmilion sëmbe a hii së u goonliba ta ko makandi u hoi di Ndeti Njanjan u Masa (Luku palaklafu 1, 2)
U NANGO A DEE KOMAKANDI U DI U ABI SAKAFASI
3, 4. (a) Faandi mbei u nango a dee komakandi? (b) Un pei sëmbë u ta lei taa u dë te u nango a dee komakandi? (c) Te u luku di soni di sikifi a 1 Kolenti 11:23-26, nöö faandi mbei hii juu u musu nango a di komakandi ka u ta mëni di dëdë u Jesosi?
3 Di fosu soni di mbei u nango a dee komakandi, hën da u di a dë wan pisi u di dini di u ta dini Jehovah. U nango a dee komakandi tu, u di Jehovah ta lei u soni a dee komakandi dë. Wan 3 Joh. 9). Ma uu ta kë u Jehovah lei u soni, söseei u ta kë u di ölganisaasi fëën lei u soni tu.—Jes. 30:20; Joh. 6:45.
sëmbë di abi gaanfasi an ta si kuma sëmbë musu lei ën soni möön (4 Di go di u nango a dee komakandi ta lei taa u abi sakafasi, söseei taa u dë kabakaba u lei soni. Wa nango a di komakandi ka woo mëni di dëdë u Jesosi u di u musu u go nöö, ma u nango nëën u di u ta saka useei a Jesosi basu. Jesosi bi piki u taa: „Un musu ta njan mën nöömö, fuun ta mëni di dëdë di mi dëdë da unu.” (Lesi 1 Kolenti 11:23-26.) Di komakandi dë ta mbei u ko ta möön biibi taa soni o waka bunu da u a di ten di ta ko kumafa Gadu paamusi u, söseei a ta toona mëni u unfa Jehovah lobi u tjika. Ma Jehovah sabi taa na wan pasi a wan jaa dendu nöö u abi taanga fanöudu. Fëën mbei a seeka komakandi da u, ka u sa nango hiniwan wiki, söseei a ta da u taanga fuu nango a dee komakandi dë. U di u abi sakafasi mbei u ta piki Jehovah buka. Hiniwan wiki u ta tei sömëni juu u seeka useei da dee komakandi, söseei fuu nango a dee komakandi dë tu.
5. Faandi mbei sëmbë di abi sakafasi ta ko u Jehovah lei de soni?
5 Hiniwan jaa Jehovah ta kai sëmbë u de ko faa lei de soni, nöö sömëni sëmbë di abi sakafasi ta ko (Jes. 50:4). De ta lobi ën te de ko mëni di dëdë u Jesosi, nöö bakaten de ta bigi ko a dee woto komakandi (Sak. 8:20-23). Dee sëmbë aki ku dee woto sëmbë dee bi ta dini Jehovah kaa, ta wai seei u Jehovah lei de soni, söseei de ta wai taa Jehovah ta tii de, u di a ta heepi de, nöö a ta puu de a fuka tu (Ps. 40:17). Soni an dë di fanöudu da u möön di kai di Jehovah ku di Womi Mii fëën Jesosi, ta kai u ko u de lei u soni.—Mat. 17:5; 18:20; 28:20.
6. Unfa di sakafasi di wan womi bi abi, bi heepi ën faa ko a di komakandi ka u ta mëni di dëdë u Jesosi?
6 Hiniwan jaa u ta mbei möiti fuu kai te a hia sëmbë u de ko mëni di dëdë u Jesosi. Sömëni sëmbë di abi sakafasi bi feni wini di de bi ko a di komakandi. Wantu jaa pasa, wan baaa bi kai wan womi faa ko mëni di dëdë u Jesosi. Ma di womi bi piki di baaa taa an bi o sa ko. Ma di baaa bi foondo seei di a si di womi ko a di komakandi. Di womi seei bi foondo u di fasi fa dee baaa ku dee sisa bi dëën wan suti ko. Di soni dë mbei taa a bi bigi nango a hii dee komakandi fuu. A wan jaa dendu, a dii komakandi nöö an bi go. Andi bi mbei taa a bi bigi nango a hii dee komakandi? U di a bi abi sakafasi, mbei a bi tooka pakisei. Di baaa di bi kai ën bi taki bakaten taa: „A dë wan womi di abi sakafasi seei.” U sa dë seiki taa Jehovah hën bi hai di womi aki ko u dini ën, nöö nöunöu a dë wan baaa.—2 Sam. 22:28; Joh. 6:44.
7. Unfa dee soni dee u ta lei a dee komakandi ku dee soni dee u ta lesi a di Bëibel sa heepi u fuu ko abi sakafasi?
7 Dee soni dee u ta lei a dee komakandi ku dee u ta lesi a di Bëibel sa heepi u fuu ko abi sakafasi. A dee wiki ufö u mëni di dëdë u Jesosi, u ta taki soni a komakandi u di fasi fa u sa djeesi Jesosi ku di fasi fa a bi abi sakafasi u di a bi da di libi fëën kuma wan lusupaima. Nöö a dee daka ufö u mëni di dëdë u Jesosi u ta kisi di taanga u lesi dee soni dee bi pasa a di pisiten ufö a dëdë ku dee bi pasa a di pisiten di a weki ko a libi baka. Dee soni dee u ta lei a dee komakandi dë ku dee soni dee u ta lesi a di Bëibel ta heepi u fuu tei ën u bigi taa Jesosi ko dëdë da u. Di soni dë ta da u taanga fuu abi sakafasi kuma ën, söseei fuu du di kë u Jehovah aluwasi a ta taanga da u.—Luk. 22:41, 42.
U NANGO A DEE KOMAKANDI U DI U ABI DEGIHATI
8. Unfa Jesosi bi lei taa a bi abi degihati?
8 U ta mbei möiti fuu djeesi Jesosi a di fasi fa a bi abi degihati. Buta pakisei a di fasi fa a bi lei taa a abi degihati a dee daka ufö a dëdë. A bi sabi taa dee felantima fëën bi o dëën sen, de bi Mat. 20:17-19). Ma tökuseei a bi dë kabakaba u dëdë. Di di juu bi dou, hën a piki dee apösutu fëën taa: „Un hopo boo go e, . . . di sëmbë di sei mi hën wë ta waka ta ko dë” (Mat. 26:36, 46). Di dee sëmbë bi ko ku fetilai u ko kisi ën, hën a waka go miti de, söseei a piki de taa hën da di sëmbë di de ta suku, nöö be de disa dee apösutu fëën be de go (Joh. 18:3-8). Jesosi bi lei taa a abi degihati seei! A di ten aki, dee salufuwan ku dee sëmbë u di gaan hipi ta mbei möiti u djeesi Jesosi a di fasi fa a bi ta lei taa a abi degihati. Unfa de ta du ën?
o fon mën, söseei taa de bi o kii ën (Di degihati di i ta lei taa i abi te i nango a dee komakandi, ta da wotowan taanga (Luku palaklafu 9) *
9. (a) Faandi mbei u musu abi degihati fuu sa nango hiniwan wiki a dee komakandi? (b) Unfa di hoi di u ta hoi dou ta heepi dee baaa ku dee sisa fuu dee dë a dunguwosu?
9 Ee u kë nango a hii dee komakandi, nöö u musu ta lei taa u abi degihati, hii fa sömëni fuka ta miti u. Sömëni baaa ku sisa nango a dee komakandi hii fa de dë ku gaan fuka, hii fa de ta lasi hati nasö hii fa de ta suwaki. Wotowan nango a dee komakandi, hii fa dee famii u de ta du ku de, nasö hii fa lanti ta tapa de. Pakisei luku unfa di hoi di u ta hoi dou sa heepi dee baaa ku dee sisa fuu dee dë a dunguwosu u di biibi u de hedi (Heb. 13:3). Te de ta jei taa u ta dini Jehovah go dou, hii fa tesi ta miti u, nöö a ta da de taanga u hoi gingin a di biibi, söseei u abi degihati go dou. Apösutu Paulosu seei bi feni taanga a sö wan fasi. Di a bi dë a dunguwosu a Loomë, nöö a bi ta wai te a bi ta jei taa dee baaa ku dee sisa fëën bi ta dini Gadu go dou (Fil. 1:3-5, 12-14). Paulosu bi sikifi wan biifi manda da dee Hebelejën baaa ku sisa fëën. A kan taa a bi sikifi ën kölö sö ufö de puu ën a dunguwosu, nasö di de puu ën a dunguwosu. A di biifi dë a bi da de taanga u de ’lobi de na de makandi nöömö kuma baaa ku baaa’, söseei u de an disa di go di de nango a dee komakandi.—Heb. 10:24, 25; 13:1.
10, 11. (a) Ambë ku ambë u musu kai te woo mëni di dëdë u Jesosi? (b) Faandi mbei u musu kai de, te u luku di soni di sikifi a Efeise 1:7?
10 U ta lei taa u abi degihati te u ta kai dee famii fuu, dee sëmbë dee u ku de ta wooko a di wan kamian, söseei te u ta kai dee sëmbë dee u ku de ta libi a di wan pisiwata u de ko mëni di dëdë u Jesosi makandi ku u. Faandi mbei u ta kai dee lö sëmbë aki? Wë u di u ta tei di soni di Jehovah ku Jesosi du da u u bigi seei, mbei u kë kai woto sëmbë u de ko mëni di dëdë u Jesosi. U kë u de seei ko sabi un wini de sa feni u di „gaan bunuhati” di Jehovah abi da u, u di a mbei di Womi Mii fëën ko paka paima da u.—Lesi Efeise 1:7; Ako. 22:17.
11 Te u ta lei taa u abi degihati u di u ta ko makandi, nöö u ta lei tu taa u abi wan fasi di Gadu ku di Womi Mii fëën tuu ta lei taa de abi.
U NANGO A DEE KOMAKANDI U DI U LOBI WOTOWAN
12. (a) Unfa dee komakandi fuu ta heepi u fuu ko lobi Jehovah ku Jesosi möön gaanfa? (b) Unfa di tëkisi u 2 Kolenti 5:14, 15 ta da u taanga fuu djeesi Jesosi?
12 Di lobi di u lobi Jehovah ku Jesosi ta da u taanga fuu go a dee komakandi. Nöö dee soni dee u ta lei a dee komakandi, ta heepi u fuu ko Lom. 5:8). Di komakandi ka u ta mëni di dëdë u Jesosi, ta toona mëni u fa Jehovah ku di Womi Mii fëën lobi u tjika. Boiti di dë, a ta toona mëni u fa de lobi dee sëmbë dee an ta fusutan jeti unfa di lusupaima dë fanöudu tjika. U di u dë ku tangi a hati, mbei u ta mbei möiti hiniwan daka fuu djeesi Jesosi a di fasi fa a bi ta libi. (Lesi 2 Kolenti 5:14, 15.) Boiti di dë, u ta feni taanga fuu gafa Jehovah u di a mbei di Womi Mii fëën ko dëdë da u. Wan fasi fa u sa du di soni dë, hën da te u ta da piki a dee komakandi.
lobi Jehovah ku di Womi Mii fëën möön gaanfa. Hii juu dee komakandi fuu ta toona mëni u andi ku andi de du da u (13. Unfa u sa lei Jehovah ku di Womi Mii fëën fa u lobi de tjika?
13 U sa lei fa u lobi Jehovah ku Jesosi tjika, te u dë kabakaba u disa soni di u bi o kë du, u de hedi. A ta pasa taa u ta disa soni di u bi o kë du, sö taa u sa dou a dee komakandi. Sömëni u dee kemeente ta abi wan mindiwiki komakandi baka wooko juu, a wan ten ka gaansë fuu ta wei. Nöö wan woto komakandi ta hoi a sata nasö a sonde te woto sëmbë ta dë a de pisi ta böö. A dë sö taa Jehovah ta si te u nango a dee komakandi aluwasi u ta wei ö? A musu u dë sö! Te u luku ën bunu, möön u ta mbei taanga möiti u nango a dee komakandi, möön Jehovah ta tei ën u bigi, u di u ta lei ën taa u lobi ën.—Maik. 12:41-44.
14. Unfa Jesosi lei u fuu disa soni di u bi o kë du, u di u lobi wotowan?
14 Jesosi lei u unfa u sa disa soni di u bi o kë du, u di u lobi wotowan. A bi dë kabakaba u dëdë da dee bakama fëën. Ma na di dë nöö, hiniwan daka a bi ta libi a wan fasi di bi ta lei taa a bi ta booko hën hedi ku de ka faa pakisei hënseei nöö. A bi ta dë makandi ku dee bakama fëën, aluwasi a bi ta wei nasö aluwasi a bi ta dë ku bookohedi seei (Luk. 22:39-46). A bi ta buta pakisei a soni di a bi sa du da wotowan, ma na a soni di wotowan bi sa du dëën (Mat. 20:28). Te u lobi Jehovah ku dee baaa ku dee sisa fuu gaanfa, nöö woo mbei hii möiti fuu sa go a di komakandi ka woo mëni di dëdë u Jesosi, söseei fuu nango a hii dee woto kemeente komakandi tu.
15. Ambë u ta kë ta heepi möön gaanfa?
15 U da dee tuutuu bakama u Keesitu dee ta libi kuma baaa ku baaa. Nöö u wai taa u ta tei di ten fuu fuu go kai woto sëmbë u deseei ko toon bakama fëën tu. Ma u ta booko u hedi Gal. 6:10). U ta lei de taa u lobi de te u ta da de taanga u de ko a dee komakandi, möönmöön a di komakandi ka u ta mëni di dëdë u Jesosi. U ta wai seei kumafa Jehovah ku Jesosi ta wai, te wan sëmbë di an bi ta peleiki möön toona ko a Jehovah. Hën da di Tata fuu di lobi u, söseei di ta sölugu u kuma wan sikapuma.—Mat. 18:14.
gaanfa ku di heepi di u musu ta heepi „dee oto sëmbë dee ta biibi Masa kuma u seei”, aluwasi de an ta peleiki möön nasö aluwasi de an ta ko a dee komakandi möön (16. (a) Unfa u sa da useei taanga, nöö unfa dee komakandi fuu o heepi u? (b) Faandi mbei di pisiten u di jaa aki da di möön bunu ten fuu mëni di soni di Jesosi taki a Johanisi 3:16?
16 A dee wiki dee ta ko, i sa kai sëmbë ka i sa kai dou u de ko mëni di dëdë u Jesosi a feeda 19 u piki-deewei-liba 2019. (Luku di pisi „ Joo kai de u de ko u?”) Boo ta da useei taanga u di hii juu woo nango a dee komakandi dee Jehovah seti da u. U di di kaba u di goonliba ta ko möön zuntu, mbei u abi dee komakandi fanöudu fuu sa ta abi sakafasi, fuu sa abi degihati, söseei fuu sa ta lobi wotowan hii juu (1 Tes. 5:8-11). Boo lei ku hii u hati fa u ta fii da Jehovah ku di Womi Mii fëën, u di de ta lei taa de lobi u gaanfa seei!—Lesi Johanisi 3:16.
KANDA 126 Boo ta köni ta hoi taanga
^ pal. 5 Di mëni di woo mëni di dëdë u Keesitu a feeda 19 u piki-deewei-liba 2019 baka te sonu go, o dë di möön apaiti komakandi di woo hoi a di jaa. Andi ta da u taanga fuu sa dë a di komakandi dë? Wë woo go a di komakandi dë, u di u kë u Jehovah wai ku u. A di woto aki, woo luku un pei sëmbë u ta lei taa u dë, te u nango a di komakandi ka u nango mëni di dëdë u Jesosi, ku dee komakandi ka u nango hiniwan wiki.
^ pal. 52 DEE SONI DI DEE PEENTJE KË TAKI: Wan baaa di dë a dunguwosu u di biibi fëën hedi, ta lesi wan biifi di dee sëmbë fëën wosudendu manda dëën, nöö a ta dëën taanga. U di a sabi taa dee sëmbë fëën an fëëkëtë ën, mbei a ta wai ku di biifi di de manda dëën. De ta piki ën a di biifi taa de ta hoi deseei a Jehovah tu, hii fa politiki soni u di köndë an nango bunu.