KO SA’ U ÖNDÖSUKU SONI MÖÖN BUNU
Soni di i sa du a di Wosudendu Dini, nasö te i ta lei soni u Bëibel
U ta dini Jehovah te u dë makandi ku wotowan a dee komakandi, a dee keling-komakandi ku dee könklësi. Ma u ta dini Jehovah tu, te u dë u wanwan, nasö te u dë ku u famii. Luku wan tu soni di i sa du te i ta lei soni u Bëibel, söseei te i ta hoi di Wosudendu Dini:
-
Seeka iseei da dee komakandi. I sa lei dee kanda fuu a hedi, söseei i sa heepi hii sëmbë a di wosudendu fii u seeka wan piki da di komakandi.
-
Lesi wan woto u Bëibel, nöö baka di dë i sa teeken wan peentje u di soni di i lesi, nasö i sa sikifi wan soni di i lei u di soni dë.
-
Lei soni u wan begi di dë a Bëibel, nöö i luku unfa di begi dë sa heepi i fii ta begi möön bunu.
-
Luku wan u dee fëlön u di ölganisaasi, nöö i taki soni fëën ku wotowan, nasö sikifi soni fëën buta a pampia.
-
Seeka iseei da di peleikiwooko. Kande wan u dee sëmbë fii wosudendu sa du kuma hën da di sëmbë di i ta peleiki da, nöö i sa fan ku ën kuma fa i bi o fan ku wan sëmbë a di peleikiwooko.
-
Luku dee soni dee Jehovah mbei, nöö i kai pakisei a de, nasö i sa konda da wotowan andi dee soni dë ta lei i u Jehovah. a
a Luku di woto „Ko sabi Jehovah möön bunu te i luku dee soni dee a mbei” a di Hei Wakitimawosu u gaanliba 2023.