A ta taanga da sömëni fuu, fuu ta mëni dee soni dee u öndösuku feni, nöö kandë sö soni dë da i tu. Ma te i luku ën, nöö an ta pena taanga da u seei fuu toona mëni dee woto dee Jesosi bi konda u. I ta mëni de, u di i ta si dee soni dë kuma peentje a i hedi dendu, nöö di soni dë ta heepi i fu ja fëëkëtë de. Sö nöö te i ta lei soni u Bëibel i musu ta mbei möiti u ta si fa de ta pasa, a i hedi dendu. Unfa i sa du di soni dë? Wë di soni di o heepi i, hën da te i ta teeken dee soni dee i lei.

Te wan sëmbë ta teeken wan njunjun soni di a lei, nöö an ta fëëkëtëën hesihesi. Te a ta teeken soni, nöö di soni dë ta heepi ën faa fusutan di soni dë möön bunu. Na dee wöutu wanwan nöö a ta fusutan, ma a ta fusutan di soni di de kë taki. Dee soni dee a ta teeken an ta dë gaan kofaliki soni, ma de ta dë gbelingbelin u fusutan. Boiti di dë, soni dë di ta lei taa dee sëmbë dee ko gaandi kaa ta feni wini u di fasi u teeken aki seei.

Te joo lei soni u Bëibel möön, nöö i sa mbei möiti u teeken dee soni dee i öndösuku feni. Joo foondo te i ko si taa bakaten i sa toona mëni sömëni u dee soni dë baka!