Andi i bi o piki?

• Aai

• Nönö

• Kandë

Andi di Bëibel ta taki

„A dee lasiti daka u di goonliba aki, nöö wan tumisi hogi ten o ko e” (2 Timoteo 3:1). Dee tjabukama woto dee sikifi a Bëibel ku dee soni dee ta pasa a di ten aki, ta lei taa u ta libi a „dee lasiti daka”.

Un woto soni u sa lei a di Bëibel?

• Gaan feti, gaan hangi, bi o dë a dee lasiti daka, söseei goon bi o ta seki ta latja kamian, nöö taku siki bi o ko di bi o ta kii hia sëmbë tu.​—Mateosi 24:3, 7; Lukasi 21:11.

• Bëibel bi taki taa a dee lasiti daka u di goonliba, libisëmbë an bi o ta libi ku wëti seepiseepi, nöö de an bi o ta pena ta pakisei soni di nama ku Gadu tu.​—2 Timoteo 3:2-5.

So sëmbë ta biibi taa . . . dee lasiti daka o kaba te libisëmbë ku hii soni di dë a goonliba o poi kaba a sösö, nöö woto sëmbë ta pakisei taa soni o go möön bunu a goonliba. Andi i pakisei?

Andi di Bëibel ta taki?

„Dee sëmbë dee ta libi a wan leti fasi, de o feni di goonliba, nöö naandë de o ta libi u teego.”​—Psalöm 37:29.

Un woto soni u sa lei a di Bëibel?

• Dee lasiti daka o kaba te Gadu o puu hogidu a goonliba.​—1 Johanisi 2:17.

• Di goonliba o ko toon wan paladëisi.​—Jesaaja 35:1, 6.