DI HEI WAKITIMAWOSU Nö. 1 u 2018 | Di Bëibel bunu da di ten aki jeti ö?
DI BËIBEL BUNU DA DI TEN AKI Ö?
U sa ko sabi sömëni soni ku dee njunjun computer soni di könima mbei a di goonliba aki. Ma nöö di Bëibel gaandi poi taa wa sa wooko ku dee lai dee sikifi nëën u? Wë di Bëibel taa:
„Hii dee pisipisi u di Buku u Gadu . . . sa heepi i.”—2 Timoteo 3:16.
Di Hei Wakitimawosu aki ta taki unfa di Bëibel sa heepi u ku hiniwan soni di nama ku di libi fuu.
Dee soni dee sikifi a di Bëibel bunu da di ten aki jeti ö?
Hiniwan miniti u sa feni lai di nama ku soni di u kë sabi. Wë nöö faandi mbei u musu suku lai a di Bëibel hii fa de sikifi ën sö wan 2000 jaa pasa?
Dee lei u Bëibel ta bunu da u hii juu
Dee lei u Bëibel an gaandi poi da di ten aki. De ta lei u bunu fasi di u musu ko abi ku mama wëti di sa heepi u hii juu.
A gaandi poi naa a ta taki u soni di sëmbë an bi sabi jeti?
Di Bëibel an dë wan buku di könima sikifi, ma i sa foondo te i ko sabi taa a bi taki u soni di könima an bi sabi jeti.
1 A ta heepi i fii kule da so u dee bookohedi
Luku fa dee köni lai di Gadu ta da sëmbë bi heepi de u de kule da dee bookohedi u di libi.
2 A ta heepi i fii sabi andi i musu du te i abi bookohedi
Di Bëibel ta da u di köni fuu sa seeka soni ko bunu te u ta booko u hedi poi, te u ta biabia u du wan soni, ku te u ta fii taa u dë u wanwan.
3 A ta heepi i fii hoi dou te i abi bookohedi
Andi sa heepi i te i abi bookohedi di ja sa puu, kuma te i abi wan siki di data an sa kula nasö te wan sëmbë fii lasi libi?
Di Bëibel sa heepi i fii abi wan bunu libi
Di Wöutu u Gadu sa heepi u ku dee bookohedi dee u ta abi hiniwan daka. A ta lei u gbelingbelin unfa soni o dë a di ten di ta ko.
Unfa i pakisei?
Luku andi so sëmbë ta biibi, ku andi di Bëibel seei ta taki u di soni dë.
