Andi di Bëibel ta taki?
Di Bëibel sa heepi i te i abi bookohedi ö?
Unfa i bi o piki?
Aai
Nönö
Kandë
Andi di Bëibel ta taki
„Tuwë hii dee fuka fii tuu da Gadu e, dee sëmbë, biga a a’ toobi ku i (1 Petuisi 5:7). Di Bëibel ta lei gbelingbelin taa Gadu sa heepi i fii ko böö u dee bookohedi dee i abi.
Un woto soni u sa lei a di Bëibel?
Te i ta begi Gadu, nöö „di kötöhati di a o da i”, sa heepi i ku hii dee bookohedi dee i abi.—Filipi 4:6, 7.
Boiti di dë, te i ta lesi di Wöutu u Gadu, nöö a o sa heepi i ku dee bookohedi fii.—Mateosi 11:28-30.
Wan daka o ko ka sëmbë an o abi bookohedi möön u?
So sëmbë ta biibi taa . . . sö Gadu mbei u kaa fuu ta abi bookohedi a di libi, nöö woto sëmbë ta biibi taa te wan sëmbë dëdë ufö an o abi bookohedi möön. Andi i pakisei?
Andi di Bëibel ta taki
Gadu taa a o puu dee soni dee ta tja bookohedi ko. „Dëdë ku tjali ku kusumi an o dë . . . möön tu. Söseei sinkii hati an o dë möön seei, kwetikweti.”—Akoalimbo 21:4.
Un woto soni u sa lei a di Bëibel?
Te di Könuköndë u Gadu o ta tii, nöö sëmbë o ta libi bööböö, söseei de an o ta dë pantapanta möön.—Jesaaja 32:18.
Sëmbë o fëëkëtë dee bookohedi di de bi abi.—Jesaaja 65:17.
