Te u ta lesi di Bëibel, nöö u sa öndösuku soni fuu sa ko fusutan di soni di u lesi möön bunu. Ma wa ta kë ko sabi soni nöö a kaba. U ta kë öndösuku soni fuu sa ko sabi dee fasi u Jehovah möön bunu. Di soni dë o mbei taa u ko möön lobi ën. Te u ta öndösuku soni, nöö u sa ta hakisi useei taa: ’Andi di pisi aki ta lei mi u Jehovah?’

U sa pooba u ko sabi möön fini unfa Jehovah ta lei taa a ta du soni a wan leti fasi, taa a köni, taa a abi makiti, söseei taa abi lobi. Ma na dee fö fasi aki wanwan nöö Jehovah abi. A abi sömëni woto fasi jeti. Naasë i sa feni möön soni u dee fasi u Jehovah?

I sa feni de a di pisi di ta taki u dee 50 woto fasi di Jehovah abi. De dë a di Index van Wachttoren-publicaties a di pisi „Jehovah”, nöö i go a di pisi „Eigenschappen alfabetisch gerangschikt”. Te i ta lesi Bëibel, nöö i sa luku undi u dee fasi u Jehovah ta kai ku di pisi di i ta lesi. (Ee nasö, i sa go a di buku Ondrosuku Bijbel moro fini​—Gi Yehovah Kotoigi, a di pisi „Den tori fu a buku disi”. Baka di dë, nöö i go a di pisi „Yehovah Gado”, nöö i luku di pisi „Den fasi fu Yehovah”.)