WOTO 41
Hoi iseei a Jehovah a di pisiten u di „gaan fuka”
„Un musu lobi Jehovah, un dee sëmbë dee ta hoi unuseei nëën. Jehovah ta tjubi dee sëmbë dee ta dini ën.”—PS. 31:23.
KANDA 129 Woo hoi dou
WANTU SONI U DI WOTO *
1-2. (a) Andi dee tiima o taki abiti möön? (b) Un fanöudu soni u musu ko sabi jeti?
PAKISEI unfa soni o dë te dee tiima o taki taa: „Aai, hii soni dë bunu kaa. An dë fuu fëëë möön.” Kandë de o ta njan buka ta taki taa bööböö libi ko dë a goonliba awaa. Dee tiima o kë fuu biibi taa de sa puu hii fuka a goonliba. Ma de an o sa tapa di gaan soni di o pasa bakaten! Faandi mbei u taki sö? Wan tjabukama woto u Bëibel bi taki taa: „Hogi o miti de wan pasi vau sö. . . . De an o sa kule da di soni dë.”—1 Tes. 5:3, NW.
2 Wantu fanöudu soni dë di u musu ko sabi jeti. U musu ko sabi dee soni aki: Andi o pasa a di pisiten u di „gaan fuka”? Andi Jehovah o kë fuu du a di pisiten dë? Unfa u sa seeka useei nöunöu kaa fuu sa hoi useei a Jehovah a di pisiten u di gaan fuka?—Mat. 24:21.
ANDI O PASA A DI PISITEN U DI „GAAN FUKA”?
3. Unfa Gadu o poi di „Gaan Babilon”, te u luku Akoalimbo 17:5, 15-18?
3 Lesi Akoalimbo 17:5, 15-18, NW. De o poi di „Gaan Babilon” kaba a sösö! Kumafa u bi taki kaa, a di pisiten u di gaan fuka, nöö dee tiima an o sa tooka di fasi fa soni o waka. Faandi mbei de an o sa tooka di fasi fa soni o waka? Wë u di „Gadu hën [o] mbei de du di soni di a bi abi a pakisei”. Andi da di soni dë? Wë Gadu abi di pakisei u poi hii dee poipoi keiki u goonliba, te kisi dee keiki dee ta taki taa de da bakama u Keesitu, ma de an ta hoi dee wëti u Jehovah. Gadu o buta di pakisei fëën a di hati u dee „teni tutu” u ’di mbeti di sinkii fëën bë hëii sö’. Dee teni tutu da hii dee tiima dee ta wooko makandi ku di „mbeti”. Di mbeti dë da di ölganisaasi de kai De Verenigde Naties (Ako. 17:3, 11-13; 18:8). Di hopo di dee tiima aki o hopo go feti ku dee poipoi keiki, hën o lei taa di gaan fuka bigi. Di soni aki o pasa wan pasi vau sö, nöö hii sëmbë o fii di soni aki.
4. (a) Andi dee tiima sa taki taa mbei de hopo go feti ku dee poipoi keiki? (b) Andi dee sëmbë dee bi nango a dee keiki dë, o sa kë du?
4 Wa sabi faandi mbei dee tiima o hopo go feti ku di Gaan Babilon. Kandë de o taki taa dee keiki u di goonliba aki, de ta mbei taa bööböö libi an sa dë a goonliba, söseei taa hii juu de ta suku u abi taki a dee soni di dee tiima ta du. Nasö kandë de sa taki taa dee keiki ko gudu gaanfa poi (Ako. 18:3, 7). A kan taa te dee tiima o hopo go feti ku dee poipoi keiki, nöö de an o kii hii dee sëmbë dee bi nango a dee keiki dë. Ma a ta möön djei kuma dee tiima o poi dee keiki ölganisaasi. Te dee keiki ölganisaasi aki an dë möön, nöö dee sëmbë dee bi ta nama ku de, o ko fusutan taa dee hedima u keiki ganjan de. Fëën mbei a sa kan taa dee sëmbë dë o kë du kuma de an sabi soni u dee keiki dë.
5. Andi Jehovah paamusi u te a nama ku di gaan fuka, nöö faandi mbei a o mbei soni waka sö?
5 Di Bëibel an ta taki un longi dee tiima o tei u poi di Gaan Babilon, ma u sabi taa an o tei longi (Ako. 18:10, 21). Jehovah paamusi u taa a o „sati di ten puu hafu u dee daka” u di gaan fuka, sö taa „dee sëmbë dee [a] tei ko sëmbë fëën” sa fika a libi, söseei taa di tuutuu biibi an poi kaba a sösö (Maik. 13:19, 20). Ma andi Jehovah o kë fuu du a di pisiten u di gaan fuka te dou di feti u Amagedon?
DINI JEHOVAH A DI SOIFI FASI GO DOU
6. Un woto soni u musu du, faa dë taa wa ta nama ku poipoi keiki?
6 A di woto ufö disi, u bi si kaa taa Jehovah kë u dee dinima fëën musu kumutu a di Gaan Babilon. Ma na kumutu nöö u musu kumutu a poipoi keiki, nöö a kaba. U musu dë kabakaba
u dini Jehovah a di soifi fasi tu. Luku tu fasi fa u sa du di soni dë.Be wa disa fuu ta ko makandi, aluwasi soni ko taanga (Luku palaklafu 7) *
7. (a) Unfa u sa ta hoi useei a dee wëti u Jehovah nöömö? (b) Unfa Hebelejën 10:24, 25 ta lei u taa a dë fanöudu tjika fuu ta ko makandi, möönmöön a di ten fuu aki?
7 Di fosu soni di u musu du, hën da u musu ta hoi useei a dee wëti u Jehovah nöömö. Wa musu djeesi dee sëmbë u di goonliba aki a di fasi fa de ta libi. Wa musu lobi fanafiti libi. Wa musu lobi di tööu di womi ku womi nasö di mujëë ku mujëë ta tööu ku deseei, nasö di libi di de ta libi ku deseei (Mat. 19:4, 5; Lom. 1:26, 27). Di u tu soni di u musu ta du, hën da u musu ta ko makandi u dini Gadu makandi ku dee woto baaa ku sisa fuu. U ta du di soni aki aluwasi ka u dë. U ta hoi komakandi a dee Könuköndë zali fuu, nöö ee a dë fanöudu, nöö u ta du ën a dee baaa ku dee sisa fuu pisi, nasö tjubitjubi. Aluwasi andi ta pasa wa musu disa u ko makandi u dini Gadu. A dë fanöudu fuu ta ko makandi, möönmöön ’fa u ko ta si taa di daka ta zuntu’ aki.—Lesi Hebelejën 10:24, 25.
8. Un pei buka a kan taa woo paaja a di ten di ta ko?
8 A kan taa woo ko ta paaja wan woto buka a di pisiten u di gaan fuka. Nöunöu u ta paaja di bunu buka u di Könuköndë, söseei u ta suku u heepi sëmbë u de ko dë bakama u Keesitu. Ma a kan taa a di ten dë, woo ta paaja wan buka di o hebi kuma ëisi dombo (Ako. 16:21). Kandë woo ta piki sëmbë taa abiti möön Gadu o poi di goonliba u Saatan aki kaba a sösö. A di ten dë, woo ko sabi finifini un pei buka woo paaja, ku di fasi fa woo paajëën. Wa sabi ee woo ta paajëën kumafa u bi ta peleiki ta lei sëmbë soni u Bëibel möön leki wan höndö jaa longi kaa, nasö ee woo du ën a wan woto fasi. Wa sabi unfa soni o dë. Ma a kan taa woo abi di gaandi fuu go paaja di kuutu bosikopu u Jehovah!—Eze. 2:3-5.
9. Andi sëmbë o kë du te de o jei di bosikopu di woo paaja a di pisiten u di gaan fuka, ma fuun soni u sa dë seiki?
9 A kan taa di buka di woo paaja o mbei sëmbë o kë tapa u fu wa peleiki nöiti möön. Leti kumafa u ta futoou Jehovah taa a o heepi u a di ten aki fuu du di diniwooko fuu, sö nöö a o dë fuu ta futoou ën a di ten dë, taa a o heepi u. U sa dë seiki taa di Gadu fuu o da u di kaakiti di u abi fanöudu fuu du soni kumafa a kë.—Mik. 3:8.
I MUSU DË KABAKABA TA WAKITI TE DE O KO FETI KU DEE SËMBË U GADU
10. Te u luku Lukasi 21:25-28, nöö andi o pasa ku gaansë u sëmbë te de o ta si dee soni dee o ta pasa a di pisiten u di gaan fuka?
10 Lesi Lukasi 21:25-28, NW. A di pisiten u di gaan fuka, a o bigi da sëmbë te de o ta si unfa hii soni u di goonliba u Saatan aki ta poi kaba a sösö. De an o saandi u de du, u di de o ta fëëë taa de o dëdë a di ten dë (Sef. 1:14, 15). A di ten dë, di libi o ko möön taanga da hii sëmbë, te kisi dee sëmbë u Jehovah tu. U di wa dë ku dee sëmbë u di goonliba aki a wan së, mbei soni o sa taanga da u. Kandë wa o sa ta feni so soni di u abi fanöudu.
11. (a) Faandi mbei sëmbë o bia ta koti lulu da dee Jehovah Kotoigi? (b) Faandi mbei an dë fuu fëëë di gaan fuka?
11 Te dou wan pisiten, nöö dee sëmbë dee bi nango a dee keiki di de booko kaba a sösö, o si taa dee Jehovah Kotoigi ta dini Gadu go dou, nöö hati u de o boonu te na soni. Wë a musu u dë taa di soni aki o tja toobi ko. Kandë woo ta jei ën a teefei, a ladio, nasö a Internet. Dee tiima u di goonliba aki, ku Saatan, di tiima u de, o buuse u, u di u wanwan nöö o fika ta dini Gadu jeti. De o fusutan taa de an dou di maaka di de bi kë dou, u di de an bi sa puu hii dee biibi a goonliba. Fëën mbei de o bia ta koti lulu da u. Te soni ko dë sö kaa, nöö dee tiima * De o ko makandi u de hopo go feti ku dee sëmbë u Jehovah (Eze. 38:2, 14-16). Kandë u sa ta booko u hedi ku dee soni dee o pasa a di pisiten u di gaan fuka, u di wa kaba sabi unfa soni o waka finifini a di ten dë. Ma u sa dë seiki u wan soni: Wa abi fu fëëë di gaan fuka. Jehovah o piki u andi u musu du fuu sa fika a libi (Ps. 34:19). Woo sa ’hopo taanpu tololoo, nöö u hopo hedi luku liba, biga di juu zuntu fuu kumutu a di fuka di u sai dë basu’. *
o bia ko dë Gögi u Magögi.12. Unfa „di köni saafu di dë u futoou” ta seeka u da dee soni dee o pasa abiti möön?
12 „Di köni saafu di dë u futoou” ta seeka u fuu sa hoi useei a Jehovah a di pisiten u di gaan fuka (Mat. 24:45, NW). De ta du di soni aki a peipei fasi. Ma wan u dee fasi fa de bi du ën, hën da de bi lei u wanlö soni a dee könklësi u dee jaa 2016, 2017, ku 2018. Dee taki di de bi hoi a dee könklësi aki, bi heepi u fuu sa ko möön abi dee fasi dee u abi fanöudu, möönmöön fa di daka u Jehovah ta zuntu aki. Boo toona taki kölö sö u dee fasi aki.
MBEI MOITI GO DOU FII TA MÖÖN HOI ISEEI A JEHOVAH, FII TA HOI DOU, SÖSEEI FII KO ABI MÖÖN DEGIHATI
Seeka iseei nöunöu kaa fii sa pasa di „gaan fuka” libilibi (Luku palaklafu 13-16) *
13. Andi sa heepi u fuu ko ta möön hoi useei a Jehovah, nöö faandi mbei u musu mbei möiti fëën nöunöu kaa?
13 Hoi iseei a Jehovah: Di në u di könklësi u di jaa 2016 bi dë: „I musu ta hoi iseei a Jehovah nöömö!” U bi lei a dee taki di de bi hoi a di könklësi dë taa ee u ku Jehovah dë gaan mati, nöö woo sa hoi useei nëën. De bi toona mëni u taa u sa ko dë gaan mati ku Jehovah te u ta begi Jehovah ku hii u hati, söseei te u ta lei soni a di Wöutu fëën. Te u ta du dee soni aki, nöö woo feni taanga fuu sa hoi dou aluwasi un soni ta miti u. U sa dë ku di mëni taa möön di kaba u di goonliba u Saatan ta zuntu, möön gaangaan tesi o ta miti u ka u musu lei taa u ta hoi useei a Gadu ku di Könuköndë fëën. A kan taa sëmbë o ta mbei u fa go dou (2 Pet. 3:3, 4). Wan u dee soni di o mbei de o ta mbei u fa, hën da u di wa dë ku dee sëmbë u di goonliba u Saatan aki a wan së. U musu mbei möiti fuu ko ta möön hoi useei a Jehovah nöunöu kaa, sö taa u sa hoi useei nëën a di pisiten u di gaan fuka.
14. (a) Andi o tooka te a nama ku dee baaa dee ta tei fesi a goonliba aki? (b) Faandi mbei a o dë fuu hoi useei a Jehovah a di ten dë?
14 Na dee baaa u di Tii Kulupu dee ta tei fesi nöunöu, de o tei fesi a hii di pisiten u di gaan fuka. Te di gaan fuka bigi te dou wan pisiten, nöö Gadu o tei hii dee salufuwan dee dë a goonliba aki jeti tja go a liba ala, u de sa go tei seeka u de sa feti a di feti u Amagedon (Mat. 24:31; Ako. 2:26, 27). Di soni aki kë taki taa dee baaa u di Tii Kulupu an o dë ku u a goonliba aki möön a di pisiten dë. Ma hii fa de an o dë aki möön, tökuseei dee sëmbë dee o fika a goonliba aki an o du soni fanjanfanjan. Wantu baaa di o dë a dee sëmbë dë dendu o tei fesi. A o dë fuu wooko makandi ku dee baaa aki ee u kë lei taa u ta hoi useei a Jehovah, u di dee baaa aki Gadu o tei u tii u a di ten dë. Di soni dë hën o heepi u fuu sa pasa di ten dë!
15. Andi sa heepi u fuu ko ta möön hoi dou, nöö faandi mbei a dë fanöudu fuu du di soni aki nöunöu kaa?
15 Hoi dou: Di në u di könklësi u di jaa 2017 bi dë: „Hoi dou!” Dee soni dee u bi lei a di könklësi dë bi da u taanga fuu ta hoi dou te fuka ta miti u. U bi lei taa na te soni ta waka bunu a u libi, nëën ufö u musu ta hoi dou. U sa Lom. 12:12). Be wa fëëkëtë di soni di Jesosi bi paamusi u: „Dee sëmbë dee o tai hati ta biibi a Gadu tee dou di kaba pisi, nöö de o feni di libi u teego” (Mat. 24:13). Di soni aki kë taki taa u musu hoi useei a Jehovah, aluwasi un fuka ta miti u. Ee nöunöu kaa u ta hoi dou te fuka ta miti u, nöö di biibi fuu o ko möön taanga ufö di gaan fuka bigi.
hoi dou te u ta futoou Jehovah (16. Andi ta mbei wan sëmbë ko abi degihati tuutuu, nöö unfa u sa ko abi möön degihati nöunöu kaa?
16 Degihati: Di në u di könklësi u di jaa 2018 bi dë: „Abi degihati!” Dee soni dee u bi lei a di könklësi dë bi heepi u fuu hoi a pakisei taa wan sëmbë an ta abi degihati tuutuu ku di u fëën seei kaakiti. Leti kumafa di futoou di u ta futoou Jehovah hën ta heepi u fuu hoi dou, sö nöö di futoou di u ta futoou Jehovah hën ta heepi u fuu ko abi degihati tuutuu. Unfa u sa ko ta futoou Jehovah möön gaanfa? U sa du di soni aki te u ta lesi di Wöutu fëën hiniwan daka, söseei te u ta pakisei fundu u di fasi fa a bi heepi dee sëmbë fëën a di ten di pasa (Ps. 68:20; 2 Pet. 2:9). Te dee tiima o hopo ko feti ku u a di pisiten u di gaan fuka, nöö a o dë fuu lei taa u abi degihati, nöö u buta hii u futoou a Jehovah möön fa u bi naa (Ps. 112:7, 8; Heb. 13:6). Ee nöunöu kaa u ta buta futoou a Jehovah, nöö woo abi di degihati di woo abi fanöudu te Gögi o ko feti ku u. *
DË SETISETI TA WAKITI FII SI UNFA JEHOVAH O TJUBI I
Abiti möön, nöö Jesosi ku dee sodati fëën o hopo go feti di feti u Amagedon. De o poi dee felantima u Gadu kaba a sösö! (Luku palaklafu 17)
17. Faandi mbei wa abi fu fëëë te di feti u Amagedon bigi? (Luku di peentje u di kafiti.)
17 Leti kumafa u bi taki a di woto ufö disi, nöö sensi di de pai so fuu, hën u ta libi a dee lasiti daka. Ma u abi di biibi tu taa woo pasa di gaan fuka libilibi. Di feti u Amagedon, hën o booko di goonliba u Saatan aki kaba a sösö. Ma wa abi fu fëëë. Faandi mbei? Wë u di Jehovah seei hën o feti a di daka dë, nöö an o dë fuu feti (Nöng. 1:33; Eze. 38:18-20; Sak. 14:3). Jehovah o piki Jesosi na un ten hën ku dee sodati fëën sa go feti ku dee felantima fëën, nöö Jesosi o hopo du soni kumafa Jehovah taki. Dee salufuwan dee bi dëdë toona weki go a liba ala, o dë a di feti tu. De ku milionmilion woto ëngëli o go a di feti makandi ku Jesosi. De o feti ku Saatan ku dee taku jeje fëën, söseei ku dee sodati u de dee dë a goonliba aki.—Dan. 12:1; Ako. 6:2; 17:14.
18. (a) Andi Jehovah paamusi u? (b) Unfa Akoalimbo 7:9, 13-17, ta heepi i fu ja fëëë dee soni dee o pasa a di ten di ta ko?
18 Jehovah bi paamusi u taa: „Na wan fetilai di de o tei u ko feti ku i, o sa mbei de wini i” (Jes. 54:17). „Gaan hia sëmbë” di bi dini Jehovah o pasa di gaan fuka libilibi! Baka di dë, nöö de o ta dini Jehovah go dou. (Lesi Akoalimbo 7:9, 13-17.) Di Bëibel ta taki u sömëni soni di ta lei u taa u sa dë seiki taa Gadu o puu u a fuka a di ten di ta ko! U sabi taa „Jehovah ta tjubi dee sëmbë dee ta dini ën” (Ps. 31:23). Hii dee sëmbë dee lobi Jehovah, söseei dee ta gafëën, o wai u si unfa Jehovah o hei di në fëën.—Eze. 38:23.
19. Un gaan bunu woo feni abiti möön?
19 Pakisei andi de o sikifi a 2 Timoteo 3:2-5, te de o taki unfa sëmbë o dë te di goonliba u Saatan an dë möön. (Luku di pisi „ Di fasi fa sëmbë o dë a di ten dë”.) Wan baaa de ta kai George Gangas, * di bi dë a di Tii Kulupu, bi taki unfa soni o dë a di njunjun goonliba. A bi taki taa: „Soni o suti a di goonliba te hii sëmbë o ta dini Jehovah! Abiti möön Gadu o da i di gaandi fii sa libi a di njunjun goonliba. Joo libi longi leti kuma Jehovah. Woo libi u teego.” Na piki suti di libi o suti a di ten dë!
KANDA 122 Boo taanga di biibi fuu!
^ pal. 5 U sabi taa abiti möön wan „gaan fuka” o ko a hii goonliba. Andi o pasa ku dee dinima u Jehovah a di pisiten dë? Andi Jehovah o kë fuu du a di pisiten dë? Un fasi u musu ko möön abi nöunöu kaa, fuu sa hoi useei a Jehovah a di pisiten u di gaan fuka? Woo taki u dee soni aki a di woto aki.
^ pal. 11 SONI DI TAKI MÖÖN FINI: Gögi u Magögi (di sati fasi fa Bëibel ta kai ën da Gögi) da wanlö köndë di o ko a wan u de hopo go feti ku dee dinima u Jehovah a di pisiten u di gaan fuka.
^ pal. 11 Ee i kë sabi andi ku andi musu pasa jeti ufö di feti u Amagedon bigi, nöö i sa luku woto 21 u di buku Gado Kownukondre e tiri! Ee i kë ko sabi möön soni u di feti di Gögi u Magögi o hopo go feti ku dee sëmbë u Gadu, ku di fasi fa Jehovah o heepi dee sëmbë fëën te Amagedon dou, nöö i sa luku woto 17 ku woto 18 u di buku De zuivere aanbidding van Jehovah eindelijk hersteld!
^ pal. 16 Di në u di könklësi u di jaa 2019 da: „Lobi an o kaba a mundu möönsö”! Dee soni dee u lei a di könklësi aki ta heepi u fuu ko dë seiki taa Jehovah lobi u, söseei taa a o ta heepi u hii juu.—1 Kol. 13:8.
^ pal. 19 Luku di woto ’Zijn werken volgen hem’, di dë a di Hei Wakitimawosu u 1 u tuwalufumu-liba u di jaa 1994.