I ta mëni dee soni aki ö?
I sa piki dee hakisi aki dee nama ku dee Hei Wakitimawosu u 2019 ö?
Andi di soni di Gadu bi paamusi u aki kë taki? „Na wan fetilai di de o tei u feti ku i o sa wini i” (Jesaaja 54:17)
U sa abi di futoou taa Jehovah o tjubi u, te „dee hogihati sëmbë” ta ko du hogi ku u (Jes. 25:4, 5). Dee felantima fuu an o sa du hogi ku u u nöömö.—w19.01, bld. 6-7.
Unfa di soni di Jehovah bi du ku dee Kaana sëmbë, söseei ku dee taanga jesi Isaëli sëmbë, bi lei unfa Jehovah ta du soni a wan leti fasi tjika?
Gadu bi sitaafu dee sëmbë dee bi ta libi fanafiti a di së u manu ku mujëë soni, söseei a bi sitaafu dee sëmbë dee bi ta du hogihogi ku mujëë sëmbë, nasö ku piki mii. Ma a bi ta mbei dee sëmbë dee bi ta piki hën buka, ku dee sëmbë dee bi ta libi bunu ku wotowan, feni bunu.—w19.02, bld. 22-23.
Andi u musu du te wan sëmbë di an dë a di biibi ta begi ka u dë?
Wë u sa dë fuu piii, nasö u sa du soni di ta lei taa u ta lesipeki de, ma wa musu taki „amen”, söseei wa musu panjan dee wotowan dee sai dë a maun fuu begi makandi ku de. U sa begi u wanwan a u hati, söndö fuu puu wotowan pakisei.—w19.03, bld. 31.
Unfa di go di sëmbë nango a piki mii hogi tjika?
Te wan sëmbë du hogihogi ku piki mii a di së u manu ku mujëë soni, nöö a du wan zöndu a di kemeente fesi, a lanti fesi, söseei a Gadu wojo. A dee köndë ka di wëti ta taki taa sëmbë musu tja taki u piki mii di de du hogihogi ku ën a di së u manu ku mujëë soni, go a siköutu, nöö dee gaanwomi ta du ën.—w19.05, bld. 9-10.
Unfa i sa tooka di fasi fa i ta pakisei, nasö unfa i sa ko ta pakisei a wan möön soifi fasi?
Dee soni dee i musu du: I musu ta begi Jehovah. I musu ta pakisei fundu u luku unfa i dë, ee i tooka tuutuu. I musu tei mati ku köni.—w19.06, bld. 11.
Unfa u sa seeka useei da di du di sëmbë o du ku u?
U musu mbei möiti fuu ku Jehovah ko dë möön gaan mati. U musu ta biibi taa a lobi u, söseei taa nöiti an o go disa u. U musu ta lesi di Bëibel hiniwan daka, söseei u musu ta begi hiniwan daka. U musu dë seiki taa woo feni dee bunu di di Könuköndë o tja ko. U musu mbei möiti fuu hoi dee tëkisi dee u lobi ku dee Könuköndë kanda dee u lobi, a hedi.—w19.07, bld. 2-4.
Andi u sa du u heepi dee famii fuu u de feni libi?
A dë fanöudu fuu lei taa u ta fii ku wotowan. U musu ta tja useei a wan bunu fasi, söseei u musu abi pasensi, nöö u musu ta du soni ku köni.—w19.08, bld. 15-17.
Na un fasi woo ko dë bööböö kumafa Jesosi paamusi u a Mateosi 11:28?
U abi gaanwomi a kemeente di lo’ sëmbë, u abi dee möön bunu mati, söseei u ta du di möön bunu wooko.—w19.09, bld. 23.
Unfa Gadu sa mbei u ko kë, söseei unfa a sa da u di kaakiti fuu du wan soni? (Fil. 2:13)
Te u ta lesi di Wöutu u Gadu, ta pakisei fundu fëën, nöö Gadu sa da u kaakiti di o mbei u fii fuu du soni di ta kai ku ën, söseei di o mbei u du soni di ta kai ku ën tu. Di santa jeje fëën sa heepi u fuu ko möön sa’ u du soni.—w19.10, bld. 21.
Andi u musu du ufö u buta taa woo du wan fanöudu soni?
Feifi soni di u musu du: U musu öndösuku unfa soni dë. U musu begi Gadu faa da u köni. U musu luku ee faandi mbei u kë du di soni. U musu sabi andi u kë du. Nöö wa musu suku u du andi wa sa du.— w19.11, bld. 27-29.
Di biibi di sëmbë ko ta biibi taa te wan sëmbë dëdë, nöö wan soni ta dë nëën dendu di ta libi go dou, nama ku di soni di Saatan bi piki Eva u?
Wë nönö. Saatan bi piki Eva taa an bi o dëdë, ma an bi piki ën taa a o dë kuma a dëdë. Nöö u sabi tu taa na wan poipoi lei bi dë baka di di Gaan Wata bi ko a di ten u Noa. A kan taa di biibi di sëmbë ta biibi taa wan soni dë a sëmbë dendu di ta libi go dou baka te de dëdë, ko dë a di pisiten di sëmbë bi ta mbei di gaan hei wosu a di foto Babel.—w19.12, bld. 15.