Andi da di Könuköndë u Gadu?
Jesosi bi lei dee bakama fëën taa de musu begi sö: „U Tata di dë a liba ala, be di në fii ko santa e. Be di Könuköndë fii ko. Be di fii kë pasa a goonliba aki leti kumafa a ta pasa a liba ala” (Mateosi 6:9, 10, NW). Andi da di Könuköndë u Gadu? Andi di Könuköndë aki ta du? Faandi mbei u musu begi faa ko?
Jesosi da di Könu u di Könuköndë u Gadu.
Lukasi 1:31-33: „I musu kai ën Jesosi. Nöö di mii di joo pai dë, a o hebi möön hii sëmbë. Biga di në fëën o dë ’di Mii u di möön hei Gadu a liba.’ Nöö Masa Gadu o butëën ko könu nëën gaan avo Dafiti kamian, nöö a o dë könu u dee bakamii fuunu gaan avo Jakopu u nöömö. Taki fëën an o kaba möönsö a mundu.”
Di Könuköndë bi dë di möön fanöudu soni di Jesosi bi ta peleiki fëën.
Mateosi 9:35: „Hën Masa Jesosi ta waka ta lontu a dee gaangaan köndë ku dee pikipiki köndë fuu dee Dju sëmbë tuu te dou. A nango a dee keikiwosu fuu ta lei sëmbë soni u Gadu ta konda di Bunu Buka da de kumafa di Njunjun Tii [nasö di Könuköndë] u Gadu dë. Nöö hiniwan sooti pei siki di sëmbë abi kaa, de tuu a ta kula.”
Jesosi bi da dee bakama fëën wan maaka, u heepi de u de sabi na un ten di Könuköndë bi o ko.
Mateosi 24:7: „Wan köndë o hopo go feti ku di oto köndë, wan könu o hopo go feti ku wan oto könu, gaan hangi o ko, goonliba o ta seki, kamian o ta bai ta latja.”
Dee bakama u Jesosi ta konda soni u di Könuköndë da sëmbë a hii goonliba.
Mateosi 24:14: „Di bunu buka u di Njunjun Tii [Könuköndë] u Gadu musu paaja te dou hii goonliba e, be hii föluku musu jei. Nöö baka u di dë ufö di ten u dë aki o kaba.”
Kandë i lobi dee woto aki tu
ESSENTIAL BIBLE TEACHINGS
Andi da di Könuköndë u Gadu?
Di Jesosi bi ta du di diniwooko fëën, nöö a bi ta lei sëmbë soni u di Könuköndë u Gadu möön gaanfa. Sömëni höndöhöndö jaa kaa dee bakama fëën ta begi u di Könuköndë dë musu ko.
