Hiniwan jaa milionmilion sëmbë di ta pena, ta dëdë u di de an ta feni gösöntu njanjan, söseei u di de ta siki. Hii fa so sëmbë u woto kamian a goonliba an ta pena, tökuseei gaansë u sëmbë a goonliba ta pena gaanfa seei. Di Bëibel taki taa na tide jaa libisëmbë ta pena.​—Lesi Johanisi 12:8.

Ee pena libi musu kaba a goonliba, nöö wan tii musu dë di sa tii hii di goonliba. Di tii dë musu sa paati dee gudu u di goonliba a wan leti fasi, söseei a musu sa tapa dee gaan feti, di ta mbei taa sëmbë ta pena. Di lö tii dë Gadu paamusi u taa o tii hii di goonliba.​—Lesi Daniëli 2:44.

Gadu buta di Womi Mii fëën Jesosi u tii hii libisëmbë (Psalöm 2:4-8). Jesosi o heepi dee sëmbë dee ta pena, nöö a o puu dee sëmbë dee ta pena wotowan, söseei a o puu feti.​—Lesi Psalöm 72:8, 12-14.

Di Bëibel bi taki a fesi taa Jesosi di dë di „Gaama u Bööböö libi” o mbei taa hii soni waka bunu da u, nöö an o dë fuu ta fëëë möön. A di ten dë hii sëmbë a goonliba o libi a di fëën seei wosu, de o ta du wooko di ta da de piizii, söseei de o abi sömëni soni u njan.​—Lesi Jesaaja 9:6, 7; 65:21-23