Piki u hakisi di nama ku Bëibel
U sa ko sabi ambë da Gadu tuutuu ö?
Faandi mbei gadu kë taa u musu ko sabi di tuutuu lei? Lesi Johanisi 17:3
Gadu bi fan ku libisëmbë. A bi wooko ku di santa jeje fëën, nasö di kaakiti fëën, u buta dee pakisei fëën a di fusutan u dee sëmbë dee sikifi Bëibel (2 Petuisi 1:20, 21). U sa ko sabi ambë da Gadu tuutuu, te u ta lesi di Bëibel.—Lesi Johanisi 17:17; 2 Timoteo 3:16.
Ku dee soni dee sikifi a Bëibel, Gadu mbei sëmbë ko sabi sömëni soni fëën. A mbei u ko sabi faandi mbei a mbei libisëmbë, andi a o du da libisëmbë, söseei a mbei u ko sabi unfa a kë fuu libi (Tjabukama 17:24-27). Jehovah Gadu kë fuu sabi ambë dëën tuutuu.—Lesi 1 Timoteo 2:3, 4.
Faandi mbei Gadu ta wai ku sëmbë di lobi di tuutuu lei?
Jehovah da di Gadu di ta taki tuutuu soni. A bi manda di Womi Mii fëën Jesosi ko a goonliba aki u lei sëmbë di tuutuu lei. Fëën mbei sëmbë di lobi di tuutuu lei, ta hai ko nama ku Jesosi (Johanisi 18:37). Gadu kë taa dee lö sëmbë aki ko toon dinima fëën.—Lesi Johanisi 4:23, 24.
Saatan Didibi tapa sömëni sëmbë u de an sabi soni u Gadu, u di a bi paaja woto di nama ku Gadu di an dë sö tuutuu (2 Kolenti 4:3, 4). Dee sëmbë dee lobi dee lö poipoi lei aki, da sëmbë dee an lobi bunu soni (Loomë 1:25). Ma milionmilion sëmbë di kë sabi tuutuu ambë da Gadu, ta ko sabi ën, te de ta lei soni u Bëibel.—Lesi Tjabukama 17:11.
Kandë i lobi dee woto aki tu
SPECIAL CAMPAIGN
Faandi mbei u musu lei soni u Bëibel?
Di Bëibel ta piki dee möön fanöudu hakisi u milionmilion sëmbë a hii së u goonliba. I bi o kë dë wan u dee sëmbë aki sö tu ö?
