„Di tooka di soni ta tooka a di wei ta tja gaan bookohedi ko da sëmbë, da dee foto, söseei da hii soni di ta libi. Gaan ventu di ta ko möön hogi daka fu daka, ta booko sëmbë wosu ku hii soni di de abi kaba a sösö. Di soni aki ta pasa a hii së u goonliba. Di kendi di di ze wata ta ko möön kendi, sa mbei taa te u kaba fëën sömëni soni di ta libi a ze dëdë kaba tuu.”​—Inger Andersen. A dë wan u dee fesima u di ölganisaasi de kai Verenigde Naties, söseei hën da di fesima u di pisi u VN di ta luku fa sëmbë ta libi ku di goonliba, 25 u baimatu-liba u 2023.

 Dee tiima u köndë o sa wooko makandi u seeka dee gaangaan soni dee ta pasa a goonliba u? De o sa seeka dee soni dë tuutuu ö?

 Di Bëibel ta taki u wan tii di o sa seeka hii soni di nama ku di poi di sëmbë ta poi di goonliba. A ta piki u taa „di Gadu u liba ala o seti wan könuköndë”, hën da wan tii di o seeka hii soni di nama ku di goonliba (Daniëli 2:44). Te a o tii, nöö sëmbë „an o du na wan hogi” ku wotowan möön, söseei de an o „poi” di goonliba möön tu.​—Jesaaja 11:9.