„Na u di di kolona siki an ta du gaan hogi a goonliba sö moön, mbei u musu si kuma an o sa du hogi ku sëmbë a goonliba möön. U sa dë seiki taa wan woto pei siki kuma disi o ko möön. U musu sa dë kabakaba te a dou.”​—Data Tedros Adhanom Ghebreyesus, fesima u di ölganisaasi di ta luku fa soni di nama ku gösöntu u sëmbë dë a goonliba, 22 u sebitaa-liba u 2023.

 Sömëni sëmbë ta tja peipei fuka u di di kolona siki bi du ku de. A ta mbei de ta dë ku gaan bookohedi tu. I si kuma dee tiima u köndë ku dee ölganisaasi dee ta luku soni di nama ku gösöntu u sëmbë o dë seekaseeka u de sa heepi u te wan woto siki ko paaja a goonliba u? De o sa du ën te u luku fa a ta taanga da de nöunöu u de heepi u te u dë ku suwaki ö?

 Di Bëibel ta taki u wan tii di o heepi u fuu sa ta dë gösöntu. A ta piki u taa „di Gadu u liba ala o seti wan könuköndë”, hën da wan tii (Daniëli 2:44). Di tii dë o mbei taa „na wan hojo sëmbë di ta libi a di köndë o taki taa: ’Mi suwaki’” (Jesaaja 33:24). Hii sëmbë o dë gösöntu, nöö de o abi kaakiti kuma di de bi njönku.​—Jöpu 33:25.