Bijbel e sori taki Satan Didibri na wan trutru sma di e sorgu taki sani pasa soleki fa en wani, neleki fa wan bigi basi fu ogriman e du dati. Fu man du san a wani, Satan e „kori” sma èn a e „bedrigi” den. Fu taki en leti, Bijbel e taki dati a „e tan du neleki en na wan engel fu leti” (2 Tesalonikasma 2:9, 10; 2 Korentesma 11:14).

 Toku Didibri no de frantwortu gi ala a pina di sma e pina. Fu san ede? Fu di Gado meki libisma na so wan fasi taki den kan teki den eigi bosroiti (Yosua 24:15). Te wi e teki don bosroiti, dan dati e tyari takru bakapisi kon.​—Galasiasma 6:7, 8.