Feti—San Gado Kownukondre o du
Ibri dei feti e tyari so furu pen nanga sari kon na heri grontapu. Luku san nyunsu e taki:
„A yari di psa bun furu sma lasi libi fu di feti ben de, spesrutu ini Etiopia nanga Ukraini. Sensi 1994 noiti ete someni sma lasi libi na ini feti.”—Peace Research Institute Oslo, 7 yuni 2023.
„A feti na ini Ukraini na wan fu den feti nomo di kon moro ogri na ini 2022. Na heri grontapu a de so taki na ini a yari di psa, den ogri di sma du fu politiek ede ben de 27 procent moro leki den tra yari èn disi ben abi krakti tapu sowan 1.7 milyard sma.”— The Armed Conflict Location & Event Data Project (ACLED), 8 februari 2023.
Bijbel abi howpu gi wi. A e taki dati „a Gado fu hemel o seti wan kownukondre di noiti no o kisi pori” (Danièl 2:44). Te a Kownukondre dati noso a regering dati o tiri, dan ’na ala sei fu grontapu Gado o meki feti kon na wan kaba’.—Psalm 46:9.
Kande yu lobi den tori disi tu
PRENSPARI LERI FU BIJBEL
San na Gado Kownukondre?
Di Yesus ben de na grontapu, a taki fu Gado Kownukondre moro leki iniwan tra sani. Hondrohondro yari langa den bakaman fu en begi fu a Kownukondre disi kon.
PRENSPARI LERI FU BIJBEL
Fu san ede Gado meki grontapu?
A grontapu disi moi kefalek. A no krosibei tumusi fu a son, a anga na a yoisti fasi èn a no e drai tumusi gaw. Fu san ede Gado du so furu muiti fu meki grontapu?
