Na ini 2023, sabiman di e luku a gosontu fu sma kon si taki te sma e firi den w’wan, dan dati na wan seryusu gosontu problema èn den musu suku yepi fu en. San kan yepi efu sma e firi den w’wan?

•   Te wi e firi wi w’wan èn wi no e bemui nanga tra sma, dan wi kan pori a gosontu fu wi èn wi no o de koloku. Wan sani de di kan yepi. San wi kan du? Ibri dei wi kan du pkinpkin sani fu tron moro bun mati fu trawan. a

 A no soso te wi de wi w’wan wi kan firi so. Son sma e firi taki den de den w’wan awinsi den de nanga wan grupu sma. Awinsi san e meki wi firi wi w’wan, tòg Bijbel kan yepi wi. Bijbel abi moi rai di kan yepi wi fu tron moro bun mati fu trawan so taki wi no firi taki wi de wi w’wan moro.

 Leri fu taki bun nanga trawan. Disi wani taki dati yu no e taki nomo fa yu srefi e firi, ma taki yu musu arki bun tu te a tra sma e taki fa a e firi. O moro yu e sori taki yu wani sabi fa a e go nanga wan sma, o moro yu nanga a sma o de bun mati.

•   Bijbel e taki: „No poti prakseri na un eigi afersi nomo, ma poti prakseri na den afersi fu trawan tu.”​—Filipisma 2:4.

 Kon abi moro mati. De klarklari fu meki mati nanga sma di moro owru noso moro yongu leki yu, di abi wan tra kulturu noso di de fu wan tra kondre.

•   Bijbel e taki: „Unu srefi musu opo un ati moro gi wi.”​—2 Korentesma 6:13.

 Efu yu wani sabi fa yu kan kon abi bun mati, dan leisi na artikel „Hoe stillen we onze honger naar vriendschap.”