Soleki fa wi si na a feti na ini Ukraini, dan furu kerki fesiman e gi sma deki-ati fu teki sei na ini a feti. Leisi fa den kerki fesiman fu ala tu sei e horibaka gi a feti:

•   „Wi e gi grani èn wi de nanga tangi gi ala den srudati fu wi di e feti gi Ukraini, a kondre pe den gebore . . . Wi e prakseri unu, wi e begi nanga wi heri ati gi unu, èn ala ten wi o horibaka gi unu.”​—Metropoliet Epiphanius I van Kiev, soleki fa a skrifi na ini The Jerusalem Post fu 16 maart 2022.

•   „Na edeman fu na Orthodox kerki fu Rosiakondre ben hori wan spesrutu kerki konmakandra gi den Rosia srudati tapu sonde. Drape a gi den deki-ati fu feti gi a kondre fu den ’soleki fa sma fu Rosiakondre wawan man du dati’, te Moskow e tan feti na ini Ukraini.”​—Reuters, 3 april 2022.

 Bijbel e taki dati Kresten mag go na feti?

 Bijbel e taki dati den trutru bakaman fu Yesus Krestes no e teki prati na feti.

•   „Poti yu feti-owru na en presi baka, bika a sma di e teki a feti-owru, na a feti-owru o kiri en.”​—Mateyus 26:52.

   Wan sma di feni taki a bun te kondre e feti nanga makandra noso di e teki prati na ini den feti disi, e du san Yesus ben taki?

•   „Mi e gi unu wan nyun komando, taki un musu lobi makandra. Neleki fa mi lobi unu, na so un musu lobi makandra tu. Na a fasi disi ala sma o sabi taki unu na mi disipel, te unu lobi makandra.”​—Yohanes 13:34, 35.

   Efu wan sma e horibaka gi feti, dan wi kan taki dati a e sori a lobi di Yesus taki dati den disipel noso bakaman fu en ben musu abi?

 Efu yu wani sabi moro fu a tori disi, dan leisi na artikel „Is oorlog verenigbaar met het christendom?”

 A kan taki Kresten man bosroiti fu no teki prati na ini den feti fu den kondre? Iya. Bijbel ben taki na fesi taki na ini a ten di Bijbel e kari „den lasti dei”, sma fu difrenti kondre „no o leri fu feti moro,” soleki fa Yesus ben leri wi.​—Yesaya 2:2, 4.

•   Efu yu wani sabi moro fu disi, dan leisi A Waktitoren artikel di nen „Fa Gado e denki fu feti?” na tapu jw.org.

 Heri esi, dan Yehovah, a „a Gado fu freide,” o gebroiki a regering fu en na hemel fu frulusu sma so taki trawan „no man kwinsi den moro noso du ogri-ati sani nanga den.”​—Filipisma 4:9; Psalm 72:14.

•   Fu si fa A o du dati, dan luku a felem di nen San na Gado Kownukondre?