„Den bigi problema di de nanga a weer nownowde e meki taki furu sma e broko den ede. A e meki tu taki foto nanga sistema di Gado seti fu meki a grontapu drai bun e kon ini kefar. Bigi draiwinti e kon ogri moro nanga moro fu di a weer e tan kenki èn na heri grontapu den bigi winti disi e pori sma oso nanga den sani di sma abi fanowdu fu tan na libi. Fu di a se e kon waran dei fu dei, meki den furu meti nanga tra sani di e libi na ini a watra, e dede gwe safrisafri.”​—Inger Andersen, wan fu edeman fu den Verenigde Naties. A de a bigi basi tu fu a VN-grupu di e seti sani gi a milieu, 25 yuli 2023.

 Yu denki taki den regering o man wroko makandra fu luku fa den o lusu den problema disi di abi krakti tapu a grontapu? Den o man kon nanga wan lusu di de fu ala ten?

 Bijbel e taki fu wan regering di man èn wani lusu ala den problema na grontapu di abi fu du nanga a weer. A e taki dati „a Gado fu hemel o seti wan kownukondre”, noso wan regering di o lusu ala den problema fu grontapu (Danièl 2:44). Te a regering disi o tiri a heri grontapu, dan sma „no o du nowan ogri” nanga makandra noso nanga a grontapu.​—Yesaya 11:9.