TAN NA AI!
Moro nanga moro yongu sma e kisi siki di abi krakti tapu den frustan—San Bijbel e taki?
Tapu munde 13 februari 2023, a CDC, wan organisâsi na Amerkankondre di e ondrosuku fa fu dresi siki, tyari wan raportu kon na doro di abi fu du nanga yongusma na Amerkankondre èn di e sori fa a e go nanga a gosontu fu den na frustan sei. A raportu taki dati 40 procent fu den yonguwan di e go na middelbaar skoro e firi sari ala yuru èn den ben abi a firi taki howpu no de gi den.
Dr. Kathleen Ethier, a driktoro fu DASH, wan afdeling fu a CDC di e luku a gosontu fu yonguwan di e go na skoro, e taki: „Na ini den 10 yari di pasa, wi si fa moro nanga moro yonguwan e kisi siki di abi krakti tapu den frustan. Ma now wi si taki a kon moro ogri. Furu meisje depressief èn den e prakseri fu kiri densrefi.”
A raportu e taki:
Fu ibri 10 meisje, yu abi 1 meisje (dati na 14 procent) di wan sma dwengi fu abi seks, awinsi a meisje no ben wani. Dr. Ethier e taki: „Disi no bun srefisrefi. Fu ibri 10 meisje di yu sabi, yu kan de seiker taki sma verkracht kande wán fu den noso moro fu den.”
Fu ibri 3 meisje, yu abi 1 meisje (dati na 30 procent) di prakseri fu kiri ensrefi.
Fu ibri 5 meisje, yu abi 3 meisje (dati na 57 procent) di e firi sari ala yuru èn di abi a firi taki howpu no de gi den.
Den nomru disi e sori taki sani no e go bun srefisrefi. Den yongu yari musu de wan ten fu meki prisiri èn fu de koloku. San kan yepi yongusma nanga den problema di e miti den na ini a ten disi? San Bijbel e taki?
Bijbel abi rai di man yepi yongusma
Bijbel e sori taki sma ben o abi furu stress na ini a ten disi. A e kari a ten disi wan ’muilek ten di tranga fu pasa’ (2 Timoteyus 3:1-5). Ma Bijbel abi bun rai di e yepi milyunmilyun yonguwan na heri grontapu fu sabi san den musu du te den abi problema. Leisi den artikel disi.
Artikel gi yonguwan te den abi a firi fu kiri densrefi
Artikel gi yonguwan di depressief èn di e firi brokosaka
No sari moro (tekenfelem)
Artikel gi yonguwan di sma e dreigi na skoro noso tapu Internet
Yu no abi fu feti te trawan e suku trobi nanga yu (tekenfelem)
Artikel gi yonguwan di e kisi fu du nanga sma di wani dwengi den fu abi seks noso di wani du tra ogri nanga den
Bijbel abi bun rai gi papa nanga mama
Bijbel abi bun rai di papa nanga mama kan gebroiki fu yepi den pikin fu den te den abi problema. Leisi den artikel disi di abi Bijbel rai.
Kande yu lobi den tori disi tu
A WAKTITOREN
Furu sma abi wan siki di abi krakti tapu den frustan
Ala sortu sma kan kisi wan siki di abi krakti tapu den frustan. Luku fa Bijbel kan yepi yu te yu abi wan siki di abi krakti tapu yu frustan.
PRENSPARI LERI FU BIJBEL
Fu san ede Gado e gi pasi taki libisma e pina?
Bijbel e gi wi wan bun piki èn a e trowstu wi.
PRENSPARI LERI FU BIJBEL
Yu kan tron wan mati fu Gado?
Na furu yari kaba, libisma wani kon leri sabi a Sma di meki den. Bijbel kan yepi wi fu tron wan mati fu Gado. A fosi sani di wi musu du fu tron wan mati fu Gado, na fu kon sabi a nen fu en.
