Odo 1:1-33
1 Disi na den odo+ fu Kownu Salomo+ fu Israel, a manpikin fu David.+
2 Den odo disi skrifi fu meki sma kon koni,+ fu gi den leri+ èn fu yepi den fu kon frustan den dipi tori di sma e fruteri.+
3 Den e gi sma leri+ di den abi fanowdu fu kan si a dipi fu wan tori,+ fu du san reti,+ fu krutu sani na wan reti fasi+ èn fu du sani nanga wan krin ati.+
4 Den e meki wan sma sondro ondrofeni kon koni.+ Den e yepi wan yonkuman fu kisi sabi+ èn den e meki a kon abi frustan.+
5 Wan koni sma o arki èn a o wani teki moro leri.+ Wan sma di abi frustan o wani teki den bun rai di trawan e gi en.+
6 Na so fasi a kan frustan iniwan odo èn iniwan dangra tori.+ A o man frustan den sani di koni sma e taki+ èn den raitori+ di den e gi.
7 Bigi lespeki gi Yehovah na a bigin fu sabi.+ Ma don sma e wisiwasi koni èn den no lobi du san sma e leri den.+
8 Mi manpikin, gi yesi na a leri di yu papa e gi yu+ èn no drai baka gi a wèt fu yu mama.+
9 Den sani disi de leki wan moi kownu-ati na yu ede+ èn wan moi keti na yu neki.+
10 Mi manpikin, efu sondari e pruberi fu kori yu, no arki den.+
11 Kande den e taki: „Kon nanga wi. Meki wi seti luru gi trawan fu kiri den.+ Meki wi go didon wakti na wan presi fu kan grabu sma di no du nowan ogri.+
12 Meki wi swari den libilibi+ neleki fa Grebi*+ e swari wan sma. Meki wi swari den heriheri, neleki te wan sma e saka go na ini wan grebi-olo.+
13 Meki wi go teki ala sortu gudu.+ Meki wi furu wi oso nanga sani di wi fufuru.+
14 Iti lòt makandra nanga wi èn tron wan patna fu wi. Wán saka nanga moni musu de gi wi alamala”+ . . .
15 Mi manpikin, no du san den e du.+ No waka den pasi fu den,+
16 bika den na sma di e lon go du soso ogri+ èn den de esi fu kiri trawan.+
17 Na fu soso den e span wan nèt di den fowru man si.+
18 Na so sondari e seti luru gi sma fu kiri den.+ Den e didon wakti na wan presi fu meki sma lasi den libi.+
19 Na dati den sma e du di e suku fu kon gudu na wan bedrigi fasi.+ A sani disi o meki taki den o lasi den libi.+
20 Trutru koni+ e bari na strati.+ En sten de fu yere na den pren.+
21 Na den uku fu den strati pe furu sma de, a e bari nanga wan tranga sten.+ Disi na san a e taki na den portu fu a foto:+
22 „Unu di no abi ondrofeni, o langa unu o tan lobi a fasi fa unu de?+ Un spotuman, o langa unu o prisiri fu spotu sma?+ Un don sma, o langa unu o tan de sma di no lobi fu teki leri?+
23 Arki mi te mi e piri-ai gi unu.+ Dan mi o meki a yeye fu mi kon na un tapu, leki wan kriki pe a watra e kuku kon na tapu.+ Mi o meki unu kon frustan den sani di mi e taki.+
24 Mi bari kari unu, ma unu no wani arki mi.+ Mi langa mi anu gi unu, ma nowan sma e poti prakseri.+
25 Unu no wani teki nowan fu den rai+ di mi e gi unu èn unu no wani gi yesi na den warskow fu mi.+
26 Fu dati ede mi fu mi sei o lafu te ogri miti unu.+ Mi o spotu unu te a sani di unu e frede, pasa nanga unu,+
27 te a sani di unu frede, kon na un tapu leki wan bigi winti èn te ogri miti unu leki wan tranga winti.+ Na so mi o du te banawtu nanga tranga ten miti unu.+
28 Na a ten dati den o bari kari mi, ma mi no o piki den.+ Den o tan suku mi, ma den no o feni mi,+
29 bika den weigri fu teki leri.+ Den no ben wani sori lespeki gi Yehovah.+
30 Den no poti prakseri na den rai di mi gi den.+ Den no arki nowan fu den warskow fu mi.+
31 Sobun, den o pai gi den sani di den du.+ Den o nyan den bere furu nanga den eigi rai.+
32 Te sma sondro ondrofeni drai baka+ gi mi, dan na dati o kiri den.+ Te don sma no e broko den ede nanga sani, dan na dati o pori den libi.+
33 Sani o waka bun gi a sma di e gi yesi na mi+ èn a no abi fu frede taki ogri o miti en.”+
Futuwortu
^ Hebrew wortu: syeol. Luku „Moro sani”, nr. 10.
