Odo 31:1-31
31 Den sani di e kon now, na san Kownu Lemuwel taki. Na en mama ben gi en a prenspari boskopu+ disi fu gi en leri:+
2 Mi manpikin, san mi sa taki? Iya, san mi sa taki, mi manpikin, di komoto na ini mi bere?+ San mi sa taki, mi manpikin? Di mi kisi yu, mi ben meki sweri.+
3 No gi yu krakti na umasma+ èn no libi na wan fasi di kan pori a libi fu kownu.+
4 Kownu Lemuwel, a no fiti wan kownu fu dringi win èn a no fiti wan heihei man fu aksi: „Pe a tranga sopi de?”+
5 Noso te den dringi a sopi, den kan frigiti a wèt èn den no o koti krutu na wan reti fasi gi den mofinawan.+
6 Un pipel, un gi tranga sopi na den wan di o dede.+ Gi win na den wan di de nanga bigi sari.+
7 Un dringi, so taki unu kan frigiti taki un pôti. No prakseri den broko-ede fu unu moro.
8 Opo yu mofo taki wan sani gi den wan di no man taki.+ Iya, opo yu mofo taki wan sani gi ala den wan di de fu dede.+
9 Opo yu mofo taki wan sani. Koti krutu na wan reti fasi èn opo taki gi den mofinawan nanga den pôtiwan.+
א [Alef]
10 Wan bun wefi, suma kan feni en?+ A warti moro koraal-ston.
ב [Bet]
11 A masra fu en e frutrow en. A masra no e mankeri noti.+
ג [Gimel]
12 En heri libi langa a wefi e du bun gi en masra. A no e libi takru nanga en.+
ד [Dalet]
13 A e suku skapu-wiwiri nanga linnen-krosi. A e du ala wroko nanga prisiri.+
ה [He]
14 A de leki den sipi fu wan bisnisman.+ A e waka fara fu feni nyanyan.
ו [Waw]
15 Boiti dati, a e opo te a dungru ete+ èn a e gi en osofamiri nyanyan. A e gi den umasrafu fu en a nyanyan di den musu kisi.+
ז [Sayin]
16 A poti prakseri na wan pisi gron èn a bai en.+ Nanga a moni di a wroko, a prani wan droifigron.+
ח [Ket]
17 A sreka ensrefi fu wroko tranga. Nanga en anu a e du en wroko fayafaya.+
ט [Tet]
18 A si taki a seri fu en e waka. A lampu fu en no e dede te neti.+
י [Yod]
19 A langa en anu go na den lolo nanga titei èn nanga en eigi anu a grabu a wrokosani hori fu meki titei.+
כ [Kaf]
20 A e langa en anu fu yepi den mofinawan nanga den pôtiwan.+
ל [Lamed]
21 Na ini a kowru ten fu a yari a no abi fu broko en ede nanga en osofamiri, bika a heri osofamiri fu en e weri tu krosi fu waran den skin.+
מ [Mem]
22 A e meki bedikrosi+ gi ensrefi. Den krosi fu en na fu linnen nanga skapu-wiwiri di ferfi kon redi.+
נ [Nun]
23 Te a masra+ fu en e go sidon na den portu makandra nanga den owru man fu a kondre, dan sma sabi taki na en.+
ס [Samek]
24 A e meki ondrokrosi+ srefi èn baka dati a e seri den. Den leribuba di a meki, a e tyari go seri gi den bisnisman.
ע [Ayin]
25 A krakti fu en nanga a moifasi fu en de leki wan krosi na en skin.+ A e lafu te a e prakseri tamara.+
פ [Pe]
26 Te a e opo en mofo, a e taki nanga koni.+ A wèt fu bun-ati de na tapu en tongo.+
צ [Tsade]
27 A e poti prakseri na a fasi fa sani e waka na ini en osofamiri. A no lesi kwetikweti.+
ק [Kof]
28 Den manpikin fu en opo tanapu èn den prèise en.+ En masra e opo tanapu èn a e prèise en tu.+
ר [Resj]
29 Furu uma+ de di e tyari densrefi na wan koni fasi. Ma yu bun moro den alamala.+
ש [Syin]
30 Switifasi kan kori sma+ èn wan moi skin kan lasi gowe.+ Ma na uma di abi lespeki gi Yehovah, na en sma o prèise.+
ת [Taw]
31 Gi en san a musu kisi gi a wroko fu en.+ Meki den wroko fu en prèise en, srefi na den portu.+
