Psalm 120:1-7
Wan singi fu den wan di e kren go na a foto.
120 Mi bari kari Yehovah di mi ben de na nowtu.+Ne a piki mi.+
2 Ke Yehovah, frulusu mi fu den wan di e meki den mofobuba taki lei,+Iya, fu den wan di e taki sani nanga den mofo fu kori sma.+
3 Yu di e taki sani nanga yu mofo fu kori sma,+San Gado o du nanga yu èn sortu strafu a o gi yu?
4 A o strafu yu nanga den srapu peiri fu wan tranga man,+Sosrefi nanga krofaya di e bron èn di meki fu na udu fu sabana bon.+
5 Helu fu mi, fu di mi ben go libi na Meisek.+Mi libi na ini tenti na mindri den sma fu Keidar.+
6 Mi libi tumusi langa kaba+Nanga sma di no lobi freide.+
7 Mi wani freide,+ ma te mi e taki nanga den,Na soso feti den wani feti.+
