Psalm 131:1-3
Wan singi fu den wan di e kren go na a foto. Wan psalm fu David.
131 Yehovah, mi no ben kon kisi heimemre.+Noiti mi ben de wan sma di abi bigimemre.+Mi no suku fu du sani di bigi tumusi gi mi.+Mi no suku fu du sani di mi no ben o man du noiti.+
2 Leki fa wan mama e boboi en yongu pikin di a puru na bobi kaba,+Na so mi e boboi misrefi fu kowru mi ati èn fu kon tiri.+Na so mi e boboi misrefi leki wan yongu pikin di en mama puru na bobi kaba.+
3 Meki Israel wakti Yehovah+Now èn fu ala ten.+
