Psalm 61:1-8
Gi den fesiman fu den sma di e prei pokusani di gersi harpu. Wan psalm fu David.
61 Mi Gado, mi e begi yu, arki a fayafaya begi fu mi.+Grantangi, poti prakseri na a begi fu mi.+
2 Na a moro farawe presi fu grontapu mi o bari kari yu. Iya, mi o kari yu te mi ati e kon swaki.+Tyari mi èn opo mi poti na tapu wan stonbergi di hei moro mi,+
3 Bika ala ten yu ben de wan kibripe gi mi,+Iya, wan tranga toren pe mi ben kan go kibri gi den feanti fu mi.+
4 Fu ala ten mi o tan nanga yu na ini yu tenti.+Mi o kibri na ondro den frei fu yu.+ Sela.
5 Mi Gado, yu srefi yere san mi sweri fu du.+Yu gi mi a gudu di yu e gi sma di e lespeki yu nen.+
6 Yu o meki a kownu libi langa.+A o libi so langa, taki a o si en pikin, en bakapikin, nanga den pikin fu den bakapikin disi.+
7 Fu ala ten a o tan na Gado sei.+Mi e begi yu, sori en bun-ati èn sori taki yu e du ala ten san yu pramisi, so taki a kan kisi kibri.+
8 Na so mi o singi prèisesingi fu gi yu nen glori fu têgo,+So taki mi kan du ibri dei san mi ben sweri fu du.+
