Psalm 66:1-20
Gi a fesiman fu den pokuman. Wan singi, wan psalm.
66 Un pipel fu grontapu, un bari fu prisiri èn prèise Gado.+
2 Un singi fu prèise a bigi nen fu en.+Prèise en èn gi en glori.+
3 Taigi Gado: „Den sani di yu e du, e meki sma kisi bigi lespeki gi yu!+Fu di yu tranga srefisrefi, meki den feanti fu yu o beifi te den e waka kon miti yu.+
4 Ala pipel fu grontapu o boigi gi yu.+Den o singi prèisesingi gi yu, iya, den o singi prèisesingi gi yu nen.”+ Sela.
5 Un pipel, un kon luku den sani di Gado du.+Den sani di a du gi libisma e meki den kisi bigi lespeki gi en.+
6 A meki a se kon tron drei gron.+Nanga futu den abra a liba.+Drape wi prisiri fu den sani di a du gi wi.+
7 Nanga a makti fu en a e tiri fu ala ten.+En eigi ai e luku den sma fu grontapu.+No meki den tranga-ede sma kisi bigifasi.+ Sela.
8 Un pipel, prèise a Gado fu wi.+Meki sma yere taki unu e prèise en.+
9 A e hori wi na libi.+A no gi pasi taki wi naki futu.+
10 Mi Gado, yu ondrosuku wi.+Yu meki wi kon soifri, neleki fa sma e meki solfru kon soifri.+
11 Yu meki wi waka go na ini wan nèt fu ontiman.+Yu meki wi nowtu tron wan hebi gi wi.
12 Yu meki libisma rèi abra wi ede.+Wi pasa faya nanga watra,+Ma yu tyari wi go kisi frulusu.+
13 Mi o kon na ini yu oso fu tyari meti leki bron-ofrandi.+Mi o du gi yu san mi ben sweri fu du,+
14 Soleki fa mi ben taki+Èn soleki fa mi ben pramisi nanga mi eigi mofo di mi ben de na nowtu.+
15 Mi o tyari meti leki bron-ofrandi gi yu, iya, den moro fatu wan.+Mi o bron manskapu leki smoko-ofrandi.Mi o tyari wan mankaw nanga bokoboko leki srakti-ofrandi.+ Sela.
16 Un alamala di abi bigi lespeki gi Gado, un kon arki. Mi o fruteri unu+San a du gi mi.+
17 Mi ben opo mi mofo kari en.+Mi prèise en nanga mi mofo.+
18 Efu na ini mi ati mi prakseri fu du hati sani nanga trawan,Dan Yehovah no o arki mi.+
19 Fu tru Gado yere mi.+A poti prakseri na a begi fu mi.+
20 Blesi fu Gado di no tapu en yesi gi den begi fu miÈn di e sori mi bun-ati.+
