Psalm 67:1-7
Gi a fesiman fu den sma di e prei pokusani di gersi harpu. Wan psalm, wan singi.
67 Gado srefi o du bun gi wi èn a o blesi wi.+A o sori wi taki a abi bun-ati.+—Sela—
2 Meki sma na heri grontapu kon sabi yu pasi.+Meki ala pipel fu grontapu sabi taki na yu e frulusu sma.+
3 Mi Gado, meki sma prèise yu.+Meki sma, iya, ala sma, prèise yu.+
4 Meki den sma fu den difrenti kondre fu grontapu prisiri. Meki den bari, fu di den breiti,+Bika yu o krutu ala sma na wan reti fasi.+Dyaso na grontapu, yu o tiri den sma fu den difrenti kondre fu grontapu. Sela.
5 Mi Gado, meki sma prèise yu.+Meki sma, iya, ala sma, prèise yu.+
6 Grontapu srefi o meki nyanyan.+Gado, iya, wi Gado, o blesi wi.+
7 Gado o blesi wi+Èn te na den moro farawe presi fu grontapu, sma o lespeki en.+
