Psalm 68:1-35
Gi a fesiman fu den pokuman. Wan psalm fu David. Wan singi.
68 Meki Gado opo du wan sani.+ Meki den feanti fu en panya go na ala sei.+Meki den sma di no lobi en kwetikweti lon gi en.+
2 Neleki fa winti e wai smoko gowe esi-esi, na so yu musu yagi den gowe.+Neleki fa faya e meki kandrafatu smèlter,+Na so den ogri sma musu dede gowe na fesi Gado.+
3 Ma meki den reti-ati sma prisiri.+Meki den de nanga bigi prisiri na fesi Gado,+Iya, meki den breiti pasa marki.+
4 Un singi gi Gado. Un singi fu prèise en nen.+Singi wan singi gi a sma di e rèi pasa na ini a sabana.+En na Yah. Dati na en nen.+ Iya, meki prisiri na en fesi.
5 Gado di de na ini en santa tanpresi,+Na wan papa gi den pikin di no abi papa moro. A de wan krutuman di e opo taki gi den uma di masra dede kaba.+
6 Gado e sorgu taki den sma di de den wawan, abi wan oso fu tan na ini.+A e fri den sma di de na strafu-oso. A e meki sani go bun nanga den.+Ma den trangayesi sma musu tan na ini wan kontren di a son meki kon drei srefisrefi.+
7 Mi Gado, di yu ben e hari go na fesi a pipel fu yu,+Iya, di yu ben e waka pasa na ini a sabana+—Sela—
8 Grontapu srefi seki+Èn fu Gado ede meki watra saka komoto fu hemel srefi.+A Sinai-bergi disi seki fu Gado ede,+ iya, a Gado fu Israel.+
9 Mi Gado, yu meki taki wan bigi alen fadon.+Na yu srefi gi yu pipel krakti baka, di den kon weri.+
10 Den ben e tan+ na ini den tenti+ fu yu.Mi Gado, na fu di yu na wan bun Gado, meki yu ben sreka den tenti disi gi den mofinawan.+
11 Na Yehovah srefi taigi den san fu du.+Den umasma di e fruteri a bun nyunsu, na wan bigi legre.+
12 Srefi den kownu fu den legre e lowe. Na lowe den e lowe.+Na uma di tan na oso, o kisi wan tu fu den gudu di den srudati teki fu den feanti.+
13 Un man, unu ben e didon na mindri den asisi-ipi fu a kampu,Ma toku unu o de leki wan doifi di abi solfru na en heri frei.Wan pisi fu en frei abi wan sortu grun-geri gowtu kloru.+
14 Di na Almaktiwan yagi den kownu komoto na ini a kondre,+Dan snew bigin fadon na Salmon.+
15 Na Gado ben meki den bergi+ fu Basan.+Den bergi na ini a bergikontren fu Basan na hei bergi.+
16 Un hei bergi, fu san ede unu e dyarusu so, te unu e lukuA bergi di Gado teki gi ensrefi fu tan libi na tapu?+Iya, Yehovah o tan drape fu ala ten.+
17 Gado abi someni tenti dusun fetiwagi, iya, a abi furu dusundusun fu den.+Yehovah komoto fu Sinai-bergi fu go na ini a santa presi.+
18 Yu opo go na loktu.+Yu tyari sma gowe leki katiboman.+Wi Gado Yah, yu teki mansma di abi spesrutu koni,+Iya, srefi den tranga-ede+ sma yu teki fu kan tan na den mindri.+
19 Blesi fu Yehovah, di e tyari a lai fu wi ala dei.+En na a tru Gado di e frulusu wi.+ Sela.
20 A tru Gado na wan Gado di e du sani fu frulusu sma.+Na Yehovah, a Moro Hei+ Masra wawan kan puru sma na dede.+
21 Iya, Gado srefi o naki na ede fu en feanti broko pisipisi.+A o naki na ede broko fu iniwan sma di e waka e du sani di no bun.+
22 Yehovah taki: „Mi o tyari den komoto na Basan.+Mi o tyari den komoto na ini den dipi presi fu se,+
23 So taki yu kan wasi yu futu na ini brudu+Èn taki yu kan meki den dagu fu yu leki a brudu fu yu feanti.”+
24 Gado, sma si fa yu ben e pasa, baka di yu wini a strei èn fa furu sma ben e waka na yu baka.+Mi Gado, mi Kownu, di yu wini a strei trawan si fa yu ben e pasa nanga den sma fu yu fu go na ini a santa presi.+
25 Den singiman ben e waka te na fesisei. Den sma di ben e prei pokusani di gersi harpu, ben e waka na den baka.+Na mindrisei yu ben abi den yonguwenke di ben e naki tyengretyengre.+
26 Prèise Gado na mindri den sma di kon na wán.+Iya, prèise Yehovah, un alamala di komoto fu a sma di meki taki Israel kon de.+
27 Luku a pikin lo fu Benyamin di wini den pipel.+Luku den granman fu a lo fu Yuda nanga den sma fu den di e bari fu prisiri.Luku den granman fu a lo fu Seibulon nanga den granman fu a lo fu Naftali.+
28 A Gado fu yu gi a komando taki yu musu kisi krakti.+Mi Gado, yu di ben opo du sani gi wi, mi e begi yu, sori a krakti fu yu.+
29 Fu yu tempel ede, di de na Yerusalem,+Meki difrenti kownu o tyari presenti kon gi yu.+
30 Dwengi den busimeti di e libi na mindri warimbo fu gi yesi na yu,+ iya, ala den mankaw di kon na wán,+Sosrefi den pipel di de leki pikin kaw. Ibriwan fu den e trapu na tapu pisipisi solfru.+Den sma di lobi feti, a panya go na ala sei.+
31 Sani di meki fu geri kopro o komoto na Egepte.+Kus srefi o langa en anu esi-esi fu gi Gado presenti.+
32 Un kownukondre fu grontapu, un singi gi Gado.+Un singi prèisesingi gi Yehovah—Sela—
33 Gi a sma di e rèi den moro fara pisi fu hemel di de sensi owruten.+Yere! A e opo en sten, iya, a e taki nanga wan krakti sten.+
34 Prèise Gado fu a krakti fu en.+A e tiri Israel èn a krakti fu en de na ini den wolku.+
35 Te Gado e komoto na ini a gran santa presi fu en, dan sma e kisi bigi lespeki gi en.+En na a Gado fu Israel, di e gi a pipel fu en krakti nanga makti.+Blesi fu Gado.+
