Deuteronomium 33:1-29
33 Ne Moses, a man fu a tru Gado, blesi den lo fu Israel fosi a dede.
2 A taki:„Yehovah komoto fu Sinai.Leki wan faya a skèin komoto fu Seyir kon na den tapu.A skèin en leti komoto fu Paran-bergikontren.Dusundusun santa engel ben de nanga en.Den fetiman fu en ben de na en reti-anusei.
3 A ben lobi en pipel tu.Ala den santawan de na ini yu anu, Gado.Den e sidon na yu futu.Ne den yere wan tu sani di yu taki.
4 (Moses taigi wi fu hori wan wètDi de fu a pipel fu Yakob.)
5 Gado tron kownu na Yesurun,Di den edeman fu a pipel kon makandra,Iya, di ala den lo fu Israel kon makandra.
6 Meki Ruben tan na libi, no meki a dede.Meki den mansma na ini a lo fu en kon furu.”
7 Disi na a blesi di Moses gi a lo fu Yuda:„Grantangi Yehovah, arki san Yuda abi fu taki.Tyari en go na den sma fu en.Nanga en anu a strei gi den sani fu en.Frulusu en fu den feanti fu en.”
8 A taki fu a lo fu Leifi:„A Tumim nanga na Urim fu Gado na fu a man di e horibaka gi en.Gado ben tesi en na Masa.A ben strei nanga en na Meriba pe watra de.
9 Den man fu Leifi no teki a sei fu a papa nanga mama fu den,Den no teki a sei fu den brada fu den srefi.Den no teki a sei fu den manpikin fu den.Ala ten den du san yu taki.Den tan hori a frubontu fu yu.
10 Meki den leri Yakob den krutubosroiti fu yu.Meki den leri Israel den wèt fu yu.Meki den bron switismeri gi yu, so taki yu kan smeri dati.Meki den bron wan heri ofrandi na tapu yu altari.
11 Grantangi Yehovah, blesi den, so taki den kisi furu krakti.Prisiri nanga den sani di den e du.Te sma e opo densrefi teige den, dan yu musu gi den sma dati hebi mankeri na den dyonku.Te sma abi bita-ati gi den, dan yu musu du wan sani nanga den sma dati, so taki den no opo moro.”
12 A taki fu a lo fu Benyamin:„Meki a lobiwan fu Yehovah tan nanga en. A no musu frede.Gado o kibri en heri dei.A o tan na en mindribaka.”
13 A taki fu den bakapikin fu Yosef:„Ala ten Yehovah musu blesi a kondre fu denNanga den moro bun sani di komoto fu hemel, nanga dow,Nanga furu watra ondro gron.
14 A o blesi den nanga den moro bun sani di gro fu di son e skèin.A o blesi den nanga den moro bun nyanyan di sma e koti ibri mun.
15 A o blesi den tu nanga den moro bun sani di de na den bergi na owstusei.A o blesi den nanga den moro bun sani di de na den pikin bergi di e tan fu ala ten.
16 A o blesi den nanga den moro bun sani fu grontapu, iya, nanga ala den gudu fu grontapu.A sma di ben de na ini a makabusi, o lobi den.Meki den blesi disi kon na tapu na ede fu Yosef,Iya, na tapu na ede fu a sma di Gado teki puru na mindri den brada fu en.
17 A moi leki a fosi pikin fu wan mankaw.A abi tutu leki di fu wan mankaw fu a sabana.Nanga den tutu fu en a o buku ala den pipelGo na den moro farawe presi fu grontapu.Den tutu na den dusundusun bakapikin fu EfrayimNanga den dusundusun bakapikin fu Manase.”
18 A taki fu a lo fu Seibulon:„Seibulon, yu musu prisiri te yu e go na dorosei.Isaskar, yu musu prisiri na ini den tenti fu yu.
19 Den o kari sma kon na a bergi.Den o tyari ofrandi, fu di den e du san reti.Den o puru furu gudu na ini den se,Nanga gudu di kibri na ini a santi.”
20 A taki fu a lo fu Gad:„Blesi musu kon tapu a sma di e meki a kontren fu Gad kon moro bigi.A de leki wan lewDi o priti na anu, iya, srefi na edekrabasi fu den wan di a o nyan.
21 Na en o teki a fosi pisi fu a kondre gi ensrefi,Bika a pisi dati na fu a sma di e meki wèt.Den edeman fu a pipel o kon makandra.A o du san Yehovah feni bun.A o koti krutu gi Israel.”
22 A taki fu a lo fu Dan:
„Dan na wan pikin lew.A o dyompo komoto fu Basan.”
23 A taki fu a lo fu Naftali:„Yehovah feni Naftali bun trutru.A gi en furu blesi.Go teki a kontren na west-sei èn na zuidsei.”
24 A taki fu a lo fu Aser:„Aser abi furu manpikin.Den brada fu en musu feni en bun.A musu dopu en futu na ini oli.
25 Den sroto fu den portu fu yu na fu isri nanga kopro.Yu heri libi langa yu o de korostu neleki wan sma di e koiri safrisafri.
26 Nowan sma de leki a tru Gado fu YesurunDi e rèi na hemel fu yepi yu.Nanga ala en glori a e rèi na tapu den wolku fu hemel.
27 A Gado fu owruten na wan kibripresi.Fu têgo en anu de na yu ondro fu yepi yu.A o yagi den feanti gowe gi yu.A o taki: ’Kiri den!’
28 Israel no o abi broko-ede.A peti fu Yakob o tan en wawanNa ini wan kondre pe furu nyanyan nanga nyun win de.Iya, den hemel fu en o meki dow dropu.
29 Koloku fu unu, un Israelsma!Suma de leki unu?Unu na wan pipel di e kisi frulusu fu Yehovah.A de leki wan skelt di e kibri unu.En na wan bigi feti-owru gi unu.Dati meki un feanti o frede gi unu.Unu o teki den hei presi fu den.”
