Hosea 3:1-5
3 Dan Yehovah taigi mi: „Go baka na yu wefi, aladi a abi wan freiri. Yu musu lobi en, awinsi a e du sutadu. Bika na so Yehovah lobi den Israelsma, aladi den e dini tra gado èn den e tyari korentikuku gi den.”
2 Sobun, mi go bai mi wefi baka. Mi pai tinafeifi pisi solfru moni èn wan nanga afu bari groto* gi en.
3 Dan mi taigi en: „Wan heri pisi ten yu o tan nanga mi. Yu no musu du hurudu, èn yu no musu didon nanga wan tra man. Mi no o didon nanga yu tu.”
4 Bika wan heri pisi ten den Israelsma no o abi wan kownu noso wan granman. Den no o tyari srakti-ofrandi èn den no o anbegi santa pilari, fesikoki fu den priester, noso terafim-popki.
5 Bakaten, den Israelsma o drai kon baka èn den o suku Yehovah, a Gado fu den, nanga David, a kownu fu den. Beifibeifi den o kon na Yehovah meki a sori den bun-ati na a kaba fu a pisi ten dati.
Futuwortu
^ Bakratongo: „gerst.”
