Obadya 1:1-21
1 A Moro Hei Masra Yehovah meki Obadya* si wan fisyun di abi fu du nanga Edom.
Obadya taki:
„Wi yere wan boskopu fu Yehovah.Wan boskopuman go na den pipel. A taki:
’Opo, kow seti wisrefi fu go feti nanga Edom.’”
2 „Mi meki yu tron wan pipel di sma no e teri.Sma no lobi yu srefsrefi.
3 A heimemre fu yu kori yu.Fu di yu e tan na den kibripresi fu den stonbergièn na den hei bergi, meki yu e prakseri:’Suma o man hari mi kon na gron?’
4 Awinsi yu meki a presi pe yu e tan so hei* leki di fu wan aka,noso awinsi yu meki yu nesi na mindri den stari,na fu drape mi o hari yu kon na gron”, na so Yehovah taki.
5 „Efu fufurman kon na yu, noso efu sma kon roof yu na neti,den ben o fufuru soso san den wani tòg?
Efu sma di e piki droifi ben o kon na yu,
dan den ben o libi wan tu droifi na baka tòg?Ma yu, noti fu yu o tan abra!
6 Luku fa sma teki ala den sani fu Esau!
Den teki ala den gudu fu en di a kibri!
7 Den yagi yu go te na den moro farawe pisi fu den kondre.
Ala den sma di ben e wroko makandra* nanga yu, kori yu.
Den sma di ben e libi bun nanga yu, kon feti nanga yu èn den wini yu.
Den sma di e nyan nanga yu, o poti wan nèt fu fanga yu,sondro fu yu sabi srefi.”
8 Yehovah taki: „Na a dei dati,mi o figi den koni sma puru fu Edom,èn nowan koni o de na a bergikontren fu Esau.
9 Ai Teiman, den fetman fu yu o frede,fu di sma o kiri ibriwan fu den na a bergikontren fu Esau.
10 Na fu di yu du ogri nanga yu brada Yakob,meki yu o kisi bigi syen.Sma o kiri yu èn noiti moro yu o de.
11 A dei dati yu ben tnapu e luku nomo.Yu ben e luku fa freimdesma tyari a legre fu en gwe nanga tranga.Yu ben e luku fa trakondre sma ben psa den portu kon na ini a foto fu en èn fa den iti lot fu prati Yerusalem.Yu ben de leki wan fu den sma dati.
12 Yu no ben musu prisiri na a dei di ogri miti yu brada.Yu no ben musu prisiri na a dei di den sma fu Yuda ben e dede.Yu no ben musu abi wan bigi mofo na a dei di den ben de na nowtu.
13 Yu no ben musu psa a portu kon na ini a foto fu mi pipel na a dei di ogri miti den.Yu no ben musu prisiri na a dei di ogri miti den.Yu no ben musu langa yu anu fu teki den gudu fu den na a dei di ogri miti den.
14 Yu no ben musu tnapu e wakti na den presi pe den pasi e miti, fu kiri den wan di ben e lowe gwe.Yu no ben musu grabu den loweman tyari go gi den feanti fu den na a dei di den ben de na nowtu.
15 A dei te Yehovah o krutu ala den pipel, de krosbei.
Den sani di yu du nanga sma, na dati sma o du nanga yu tu.
A fasi fa yu libi nanga sma, na so sma o libi nanga yu tu.
16 Neleki fa unu ben e dringi win na tapu mi santa bergi,na so ala den pipel o tan dringi mi atibron leki win.
Iya, den o dringi èn swari mi atibron.Dan a o de leki den no ben de noiti.
17 Ma den sma fu mi pipel di lowe o de na Sion-bergi.A o de wan santa presièn den sma fu Yakob o teki den sani fu den baka.
18 Den sma fu Yakob o tron wan fayaèn den sma fu Yosef o kon de leki faya.Den sma fu Esau o de leki drei grasi.Den o sutu faya gi den fu bron den.Nowan sma fu Esau o tan na libi,bika na Yehovah srefi taki so.
19 Mi pipel o teki Negeb-sabana abra nanga a bergikontren fu Esau,a Syefela-kontren, a kondre fu den Filisteasma,
a kontren fu Efrayim èn a kontren fu Samaria.Benyamin o teki Gilead abra.
20 Den Israelsma di ben e tan baka a bigi skotu* èn di den tyari gwe nanga tranga,na den o kisi a kontren fu den Kanansma te na Sarfat.
Den sma fu Yerusalem di den ben tyari gwe nanga tranga èn di ben e libi na Sefarad, o teki den foto abra di de na Negeb-sabana.
21 Den sma di o ferlusu a pipel o kren go na tapu Sion-bergifu krutu den sma na a bergikontren fu Esau.A kownumakti o kon de fu Yehovah.”
Futuwortu
^ Obadya wani taki „Futuboi fu Yehovah”.
^ Noso kande: „yu frei hei”.
^ Noso: „den sma di meki wan ferbontu nanga yu”.
^ Noso: „na ini a fortresi”.
