Odo 1:1-33
1 Disi na den odo fu Kownu Salomo fu Israel, a manpkin fu David:
2 Den odo disi skrifi fu meki sma kon koni, fu gi den raièn fu yepi den fu kon ferstan dipi tori.
3 Den e gi sma a leri di den abi fanowdu fu kan si a dipi fu wan tori,fu du san reti, fu krutu sani na wan reti fasi èn fu du sani nanga wan krin ati.*
4 Den e meki wan sma sondro ondrofeni kon koni.Den e yepi wan yonguman fu kon sabi sani èn den e meki a kon abi ferstan.
5 Wan konisma e arki èn a e teki moro leri.Wan sma di abi ferstan e teki den bun rai* di trawan e gi en.
6 Na so a kan ferstan iniwan odo nanga iniwan sani di muilek fu ferstan.*A o man ferstan den sani di konisma e taki èn den odo fu den.
7 Bigi lespeki gi Yehovah na a bigin fu sabi.
Soso donsma e wiswasi koni èn den no e teki leri.
8 Mi boi, arki a rai fu yu p’paèn no drai baka gi a leri* fu yu m’ma.
9 Den sani disi de leki wan moi kroon na tapu yu edeèn wan moi keti na yu neki.
10 Mi boi, efu sondari e pruberi fu kori yu, no arki den.
11 Efu den e taki: „Kon nanga wi.
Meki wi seti luru gi trawan fu kiri den.
Meki wi go d’don wakti na wan presi fu kan grabu sma di no du nowan ogri.
12 Meki wi swari den libilibi neleki fa Grebi* e swari sma.Meki wi swari den heriheri neleki fa wan grebi-olo e swari wan sma.
13 Meki wi teki ala den gudu fu den.Wi o span wi oso nanga den sani di wi fufuru.
14 Kon nanga wi,*dan wi o prati nanga makandra san wi fufuru.”*
15 Mi boi, no go nanga den.
No waka a pasi fu den,
16 bika den e lon go du ogrièn den e hasti densrefi fu kiri trawan.
17 Na fu soso wan sma e span wan net fu fanga wan fowru, efu a fowru man si a net.
18 Den sondari disi e seti luru gi sma fu kiri den.Den e d’don wakti na wan presi fu kiri tra sma.
19 Na dati den sma e du di e bedrigi trawan fu kon gudu.Den sani disi o meki taki den lasi den libi.
20 Trutru koni e bari na strati.
En sten de fu yere na den pren.*
21 Na den uku* fu den strati pe furu sma de, a e bari nanga wan tranga sten.
Disi na san a e taki na den portu fu a foto:
22 „Unu di no abi ondrofeni, o langa unu o tan lobi a fasi fa unu de?
Un spotuman, o langa unu o prisiri fu spotu sma?
Un donsma, o langa unu o tan de sma di no lobi fu teki leri?
23 Arki mi* te mi e pir’ai gi unu.
Dan mi o meki a yeye fu mi kon na un tapu.Mi o meki unu kon ferstan den sani di mi e taki.
24 Mi kari unu, ma unu no ben wani arki mi.Mi langa mi anu gi unu, ma nowan sma ben e poti prakseri.
25 Unu no teki nowan fu den rai di mi gi unuèn unu no arki den warskow fu mi.
26 Fu dati ede mi o lafu te ogri miti unu.Mi o spotu unu te a sani di unu e frede, psa nanga unu,
27 te a sani di unu e frede kon na un tapu leki wan bigi wintièn te ogri miti unu leki wan tranga winti.Na dati mi o du te problema nanga tranga ten miti unu.
28 Na a ten dati den o bari kari mi, ma mi no o piki den.Den o suku mi, ma den no o feni mi.
29 Bika den no ben wani teki leri.Den ben weigri fu sori lespeki gi Yehovah.
30 Den no ben wani teki den rai di mi gi den.Den no arki nowan fu den warskow fu mi.
31 Dati meki den o pai gi* den sani di den du.Den o nyan den bere furu nanga den eigi rai.
32 Te sma sondro ondrofeni drai baka gi mi, dan na dati o tyari dede kon gi den.Te donsma no e span nanga noti, dan na dati o pori den libi.
33 Ma sani o waka bun gi a sma di e arki mièn a no o frede taki ogri o miti en.”
Futuwortu
^ Noso: „fu du sani na wan eerlijk fasi”.
^ Noso: „koni rai”.
^ Noso: „agersitori”.
^ Noso: „wet”.
^ Noso: „Iti lot makandra nanga wi èn tron wan patna fu wi”.
^ Noso: „dan wi o prati san wi abi na ini a saka (tas)”.
^ Hebrewtongo: „ede”.
^ Noso: „Drai baka”.
^ Hebrewtongo: „Dati meki den o nyan den froktu fu”.
