Odo 17:1-28
17 A moro betre fu nyan wan pisi drei brede na ini wan oso pe freide de,*leki fu de na ini wan oso pe n’nyan lai,* ma pe trobi de.
2 Wan koni futuboi o tron basi fu wan manpkin di e tyari ensrefi na wan syen fasi.A futuboi o kisi wan pisi fu a gudu di den brada fu a manpkin disi o kisi.
3 Faya e krin solfru nanga gowtu,ma na Yehovah e ondrosuku sma ati.
4 Wan ogrisma lobi arki te sma e taki sani fu hati trawan.Wan leiman e arki te sma e taki ogri fu trawan.
5 A sma di e spotu den pôtiwan e gi en Mekiman syenèn a sma di breiti te ogri e miti trawan o kisi strafu.
6 Granpkin na wan kroon gi owrusmaèn manpkin* e prodo nanga a p’pa* fu den.
7 Leki fa a no fiti wan donsma fu taki bun sani,
na so a no fiti wan heihei man fu taki lei.
8 Te wan sma abi wan kado, dan dati de leki wan diriston* gi en.Awinsi pe a e go, sani e waka bun gi en.
9 A sma di e gi trawan pardon* fu den sondu fu den e sori lobi,ma a sma di e tan taki fu a tori e pori bun mati.
10 Wan konisma o arki wantewante te yu warskow en,ma awinsi yu naki wan donsma wán hondro leisi a no o leri noti.
11 Wan takr’ati sma de nomonomo fu opo ensrefi teige trawan,ma sma o seni wan boskopuman di no abi sar’ati fu strafu en.
12 A moro betre fu miti nanga wan beer di lasi den pkin fu en,leki fu miti nanga wan donsma di e du soso dondon sani.
13 Efu wan sma e pai ogri fu bun,dan ogri no o kmoto fu en oso.
14 Te wan sma e bigin wan trobi, dan a de leki a e opo wan dan.*Dus gwe fosi a trobi bigin.
15 Yehovah e teige iniwan sma di no e leisi strafu gi wan ogrismaèn a e teige iniwan sma di e taki dati wan ret’ati sma musu kisi strafu.
16 Fu san ede wan donsma abi ala sani di de fanowdu fu kisi koni,aladi a no wani kon koni?*
17 Wan trutru mati e sori lobi ala ten.En na wan brada di gebore fu te nowtu de.
18 Wan sma di no abi ferstan* e tnapu borgu gi trawanèn a e seki anu nanga den leti na fesi en mati.
19 A sma di lobi trobi, lobi sondu.
Iniwan sma di e meki en doro hei e suku problema.
20 Sani no o waka bun nanga a sma di e prakseri kruka sanièn ogri o miti a sma di e ferteri lei.
21 A p’pa fu wan pkin di e du dondon sani o sari.A p’pa fu wan pkin di e du lawlaw sani no e prisiri.
22 Wan ati di e prisiri na wan bun dresi,ma te wan sma e sari, dan dati e swaki a skin.*
23 Wan ogrisma e teki tyuku kibrikibrifu no meki sani waka na wan reti fasi.
24 Koni de leti na fesi a sma di abi ferstan,ma a donsma no man hori en prakseri* na wán sani nomo.
25 Wan don manpkin e meki en p’pa sarièn a e meki en m’ma firi pen na ini en ati.
26 A no bun fu strafu wan ret’ati sma*èn a no bun fu wipi sma di musu kisi grani.
27 Wan sma di sabi sani no de gaw fu takièn wan sma di koni no o bruya esi.
28 Srefi wan donsma di e tan pî, sma o si leki wan konismaèn wan sma di e tapu en mofo, den o si leki wan sma di abi ferstan.
Futuwortu
^ Noso: „pe dyugudyugu no de”.
^ Hebrewtongo: „wan oso di furu nanga ofrandi”.
^ Noso: „pkin”.
^ Noso: „p’pa nanga m’ma”.
^ Noso: „wan ston di e tyari bun”.
^ Hebrewtongo: „di e tapu”.
^ Hebrewtongo: „e libi watra meki a lon”.
^ Hebrewtongo: „aladi a no abi ati”.
^ Hebrewtongo: „di e mankeri ati”.
^ Noso: „en bonyo e kon drei”.
^ Hebrewtongo: „ai”.
^ Noso: „A no bun fu meki wan ret’ati sma pai wan butu”.
