Odo 23:1-35
23 Te yu e sdon e nyan nanga wan kownu,dan yu musu luku bun fa yu e tyari yusrefi.
2 Hori wan nefi na yu neki*efu yu na wan sma di e nyan furu.
3 No gridi gi a switi n’nyan fu en,so taki a no kon de leki wan val gi yu.
4 No naki yu skin soso fu kon gudu.
Tapu nanga a sani dati èn sori taki yu abi ferstan.*
5 Te yu e poti prakseri na gudu, dan yu o si taki a no de drape.Fosi yu denki, a e kisi frei leki di fu wan aka èn a e frei go na loktu.
6 No nyan a n’nyan fu wan sma di gridi.*No gridi gi a switi n’nyan fu en,
7 bika a e luku o furu yu e nyan.
A e taigi yu: „Nyan, dringi.” Ma na hoigri a e hoigri.*
8 Yu o braak puru san yu nyanèn yu o kon si taki na fu soso yu taki switi nanga en.
9 No pruberi fu leri wan donsma wan sani,bika a o wiswasi den bun sani di yu e taki.
10 No skoifi den marki di e sori o bigi wan gron de.Den marki disi ben poti sensi ten.
No teki a gron fu pkin di no abi p’pa.
11 Bika a Ferlusuman fu den tranga.A o opo taki gi den na ini wan krutu-afersi na mindri yu nanga den.
12 Opo yu ati fu teki pir’aièn arki te wan sma di sabi sani e taki.
13 No draidrai fu gi wan boi* pir’ai.
Efu yu wipi en, a no o dede.
14 Efu yu no wani taki a saka go na ini Grebi,*dan yu musu wipi en.
15 Mi boi, efu yu kisi koni,dan mi eigi ati o prisiri.
16 Efu yu opo yu mofo fu taki sani di reti,dan mi o prisiri nanga mi heri ati.*
17 No dyarusu tapu sondari,ma abi bigi lespeki gi Yehovah ala ten.
18 Dan yu o abi wan bun tamaraèn a howpu fu yu no o lasi gwe.
19 Mi boi, arki èn kisi koni.Sreka yu ati fu waka a yoisti pasi.
20 No tron wan fu* den sma di e dringi tumsi furu win.No tron wan fu den gridiman di e nyan meti teleki den no man moro.
21 Bika wan drunguman nanga wan gridiman o kon pôtièn fu di den sma disi lobi sribi, meki den o weri soso brokokrosi.
22 Arki yu p’pa, bika na en meki yu.No wiswasi yu m’ma, soso fu di a kon owru.
23 Bai* san tru èn noiti no seri en.Bai koni, pir’ai, nanga ferstan tu.
24 A p’pa fu wan pkin di e du san reti o prisiri.Wan man di tron p’pa fu wan koni pkin o prisiri nanga en.
25 Yu p’pa nanga yu m’ma o breitièn yu m’ma di meki yu o prisiri.
26 Mi boi, arki bun san mi e takièn prisiri te yu e waka den pasi fu mi.
27 Wan huru-uma na wan dipi oloèn wan yayo-uma* na wan smara peti.
28 Iya, a de leki wan fufurman di e seti luru gi wan sma.Na uma disi e meki taki furu man e waka gi den frow fu den.
29 Suma e sari? Suma abi brok’ede?
Suma e kisi trobi nanga trawan? Suma e kragi?
Suma kisi mankeri fu soso? Suma no man si bun?*
30 Na den sma di e dringi win omeni yuru langa,iya, na den sma di e go suku tranga sopi fu dringi.*
31 No luku a redi kloru fu a win.No luku en te a e brenki na ini a kan èn te a e grati makelek go na insei.
32 Te fu kba a e beti leki wan snekièn a e puru vergif leki wan takru sneki.
33 Yu ai o si sani di no truèn yu o taki lawlaw sani nanga yu mofo.
34 Yu o de leki wan sma di e d’don na mindrisei fu a se,iya, leki wan sma di de na tapsei fu a postu di e hori den seiri fu wan boto.
35 Yu o taki: „Den naki mi, ma mi no firi en.
Den fon mi, ma mi no ben sabi.
O ten mi o wiki?
Mi musu go dringi sopi baka.”*
Futuwortu
^ Noso: „Hori yusrefi”.
^ Noso kande: „No fertow tapu yu eigi frustan”.
^ Noso: „fu iniwan sma ai di ogri”.
^ Hebrewtongo: „En ati no de nanga yu”.
^ Noso: „pkin, yonguwan”.
^ Hebrewtongo: „mi niri o prisiri”.
^ Noso: „No moksi nanga”.
^ Noso: „Kon sabi”.
^ Noso: „Suma ai dòf?”
^ Noso: „di e kon makandra fu dringi tranga sopi”.
^ Noso: „Mi o go suku a sopi baka”.
