Odo 4:1-27
4 Mi boi, arki te un p’pa e leri unu fu du san bun.Un arki bun, so taki unu kan kon abi ferstan,
2 bika mi o gi unu bun rai.No poti den leri* fu mi na wan sei.
3 Mi ben de wan trutru manpkin gi mi p’paèn mi m’ma ben lobi mi srefsrefi.
4 Mi p’pa ben e gi mi leri èn a taigi mi: „Yu musu kibri den sani di mi taigi yu dipi na ini yu ati.
Hori den wet fu mi, dan yu o tan na libi.
5 Kisi koni. Kisi ferstan.
No fergiti den sani di mi taki èn no drai baka gi den.
6 No gwe libi koni, dan a o sorgu taki ogri no miti yu.
Lobi en, dan a o kibri yu.
7 Koni na a moro prenspari sani. Sobun, suku fu kisi koni.Awinsi sortu tra sani yu e suku fu kisi, sorgu taki yu e meki muiti fu kisi ferstan.
8 Si koni leki wan sani di prenspari srefsrefi, dan a o hei yu.
A o gi yu glori fu di yu brasa en hori.
9 A o kon de leki wan moi krans na tapu yu ede.A o kon de leki wan moi kroon gi yu.”
10 Mi boi, arki mi èn teki den sani di mi e taki,dan yu o libi langa.
11 Mi o leri yu fa fu waka nanga koni.Mi o sori yu fa fu du sani nanga wan krin ati.
12 Te yu e waka, noti no o hori yu na bakaèn te yu e lon, yu no o stotu yu futu.
13 Teki a pir’ai di yu kisi, hori en steifi. No lusu en.
Kibri en bun, bika na dati o gi yu libi.
14 No go waka a pasi fu den ogrismaèn no waka a pasi fu den takru-ati sma.
15 Tan fara fu a pasi dati. No waka na en tapu.No teki a pasi dati. Waka go doro,
16 bika den ogrisma no e sribi, solanga den no du ogri.
Den no man fadon na sribi, solanga den no poti wan sma na ini problema.
17 Ogridu nanga ala sortu ogr’ati sanide leki brede nanga win gi den.
18 Ma a pasi fu den ret’ati sma de leki a leti di e bigin skèin na musdei.Safsafri a e kon moro krin, teleki a e skèin leki a leti fu a son na mindridei.
19 A pasi fu den ogrisma dungru.Den no sabi na san den e stotu den futu.
20 Mi boi, poti prakseri na den sani di mi e taki.Arki bun* san mi e taki.
21 No fergiti den sani disi.Kibri den dipi na ini yu ati.
22 Bika den e gi libi na ala den sma di e ferstan denèn den e meki a heri skin de gosontu.
23 Kibri yu ati moro leki iniwan sani di de fu kibri,bika na drape den rutu fu a libi de.
24 No taki lei nanga yu mofoèn no taki nowan sani fu bedrigi trawan.
25 Den ai fu yu musu luku langalanga go na fesi.Iya, yu ai* musu tan luku go na fesi.
26 Grati a pasi* pe yu e poti yu futu,dan ala sani o waka bun nanga yu.
27 No beni go na a ret’anusei noso na a kruktu-anusei.
Puru yu futu na a pasi fu ogridu.
Futuwortu
^ Noso: „wet”.
^ Hebrewtongo: „Poti yesi arki”.
^ Noso: „brenki ai”.
^ Noso kande: „Luku bun”.
