Odo 7:1-27
7 Mi boi, du san mi e takièn kibri den wet fu mi leki wan gudu.
2 Hori den wet fu mi èn tan na libi.Kibri a rai* fu mi leki a popki fu yu ai.
3 Tai den na yu fingaèn skrifi den na tapu yu ati.
4 Taigi koni: „Yu na mi sisa”
èn taigi ferstan: „Yu na mi famiri”,
5 so taki den kan kibri yu gi na uma di e yayo,iya, gi na uma di e huru* èn di sabi kori sma nanga den switi taki fu en.
6 Mi ben de na a fensre* na a sodro fu mi oso,e luku go na gron.
7 Mi ben e luku den sma di no abi ondrofeni.Ne mi si wan yonguman di no abi ferstan* na mindri den yongusma.
8 A ben e waka na strati, dan a doro krosbei fu na uku fu a pasi pe na uma e tan.Ne a waka go na a sei fu na oso fu na uma disi.
9 A ben de mofoneti. Son ben e dongo kba.Neti ben e doro èn dungru ben e fadon.
10 Ne mi si wan uma e waka kon miti en.A ben weri krosi di huru-uma gwenti weri èn a ben lai triki.
11 A de wan bradyari uma èn san a poti na en ede, na dati a e du.
Noiti a e tan* na oso.
12 A wán leisi a de na dorosei, a tra leisi a de na den pren.*A e tnapu na den uku e luru sma.
13 Na uma e grabu a yonguman hori èn a e bosi en.Sondro fu syen a e taigi en:
14 „Mi ben musu tyari freide-ofrandi.
Tide mi du san mi ben sweri fu du.
15 Dati meki mi kon na dorosei fu miti yu.Na yu mi kon suku èn now mi feni yu.
16 Mi bradi moi krosi na tapu mi bedi,linnen-krosi fu Egepte di lai ala sortu kloru.
17 Na tapu mi bedi mi it’iti switismeri di meki fu mirre, aluwe nanga kaneri.
18 Kow dringi a lobi fu makandra teleki m’manten.Kow freiri èn meki lobi,
19 bika mi masra no de na oso.A go na wan fara presi.
20 A gwe nanga wan saka nanga moni.Na later ini a mun a o drai kon baka.”
21 Na so a kori a yonguman nanga den sani di a taigi en.
A kisi en nanga den switi wortu fu en.
22 Fosi yu denki, a yonguman e hari go na en baka, leki wan mankaw di den e tyari go srakti,iya, leki wan donman di den bui fu tyari go strafu.
23 A o dede fu di wan peiri priti en lever opo.A de leki wan fowru di e frei langalanga go na ini wan krafana. A no sabi taki a o lasi en libi.
24 Sobun mi boi, arki mi.Poti prakseri na den sani di mi taki.
25 No meki yu ati kori yu fu waka den pasi fu na uma disi.
No go pe a e go,
26 bika na uma disi meki furu sma dede kba.A kiri bun furu sma.
27 En oso na wan pasi di e tyari sma go na Grebi.*Drape sma e saka go na den kamra pe dede de.
Futuwortu
^ Noso: „wet”.
^ Hebrewtongo: „di de fu wan tra kondre”. Soleki fa a sori, dan disi na wan sma di no de wan mati fu Gado fu di a no e tyari ensrefi na wan fasi di fiti.
^ A sortu fensre disi no abi grasi, ma a abi udu lati.
^ Hebrewtongo: „di e mankeri ati”.
^ Hebrewtongo: „Noiti en futu e tan”.
