Psalm 102:1-28
Wan begi fu a mofinawan di bruya* èn di e ferteri Yehovah ala den brok’ede fu en.
102 Yehovah grantangi, arki a begi fu mi.Arki mi te mi e bari suku yepi na yu.
2 No kibri yu fesi gi mi te mi de na nowtu.
Poti yesi arki* mi.Piki mi es’esi te mi e kari yu.
3 Mi libi e psa gwe es’esi neleki smoko.Mi bonyo bron èn den kon blaka leki krofaya.
4 Mi ati kon swaki èn a kon de leki drei grasi,fu di mi e fergiti fu nyan.
5 A pina di mi e pina e meki mi e geme.Ala den bonyo fu mi de fu si.
6 Mi de mi w’wan leki wan pelikaan-fowru na ini a sabana.Mi de leki wan pkin owrukuku na wan brokopresi.
7 Mi no man sribi.*Mi de leki wan fowru di sdon en w’wan na tapu wan dak.
8 Heri dei den feanti fu mi e spotu mi.
Den sma di e wiswasi mi e gebroiki mi nen fu fluku trawan.
9 Mi e nyan asisi leki bredeèn den sani di mi e dringi moksi nanga mi watra-ai,
10 fu di yu ben mandi nanga mi èn fu di yu ati ben bron srefsrefi nanga mi.Yu opo mi, soso fu kan trowe mi gwe.
11 Mi libi de leki wan skaduw di e psa gwe te son e saka.Mi kon de leki grasi di e drei gwe.
12 Ma yu, Yehovah, o tan fu têgoèn fu ala ten sma o memre yu.*
13 Mi de seiker taki yu o opo du wan sani èn yu o abi sar’ati nanga Sion.Bika now na a ten fu du bun gi en.A reti ten doro.
14 Den futuboi fu yu e prisiri nanga den ston fu a skotu fu Sion.Srefi a doti fu a foto den lobi.
15 Den pipel fu grontapu o frede a nen fu Yehovahèn a glori fu en o meki ala den kownu fu grontapu kon frede.
16 Bika Yehovah o bow Sion baka.Ala sma o si a glori fu en.
17 A o arki a begi fu den sma di de na nowtu.A no o si a begi fu den leki lawlaw sani.
18 A sani disi skrifi gi den pkin nanga den bakapkin di musu kon ete,so taki den sma di musu gebore* ete kan prèise Yah.
19 Yehovah de na en santa presi na hemel e luku kon na ondro.Iya, a de na hemel e luku kon na grontapu
20 fu kan yere a geme fu den sma di de na strafuèn fu fri den wan di kisi dedestrafu.
21 Dati meki den sma na ini Sion o taki fu a nen fu yu, Yehovah,èn den o prèise yu na Yerusalem
22 te den pipel nanga den kownukondrekon na wán fu dini Yehovah.
23 A meki mi lasi krakti aladi mi yongu ete.A syatu a libi fu mi.
24 Ne mi taki: „Mi Gado,yu di e libi fu ala ten,grantangi, no syatu a libi fu mi.
25 Langa ten psa yu seti den fundament fu grontapu.Nanga yu eigi anu yu meki hemel.
26 Den sani dati o lasi gwe, ma yu o tan.Den alamala o kon owru neleki wan krosi.
Yu o kenki den neleki fa sma e kenki krosi.
Den no o de moro.
27 Ma yu e tan a srefi èn a libi fu yu no o kon na wan kba.
28 Den pkin fu den futuboi fu yu o tan na a presi fu den sondro fu frede taki ogri o miti den.Yu o sorgu taki sani go bun nanga den bakapkin fu den.”
Futuwortu
^ Noso: „kon swaki”.
^ Noso: „Beni fu arki”.
^ Noso kande: „Mi kon mangri srefsrefi”.
^ Noso: „yu nen”.
^ Hebrewtongo: „meki”.
