Psalm 109:1-31
Gi a fesiman fu den pokuman. Wan singi fu David.
109 Mi Gado di mi e prèise, mi e begi yu, no tan tiri,
2 bika den ogrisma nanga den bedrigiman opo den mofo fu taki ogri fu mi.
Den e taki lei fu mi.
3 Den e taki wan lo ogri fu mi, fu di den e teige mi.Den e feti nanga mi, aladi mi no du den noti.
4 Mi e sori taki mi lobi den, ma tòg den e gens mi.Ma mi e tan begi Gado.
5 Den e pai mi ogri fu bunèn den e teige mi aladi mi lobi den.
6 Meki wan ogrisma tron basi fu na ogriwan.Meki wan gensman tnapu na en ret’anusei fu sori en tapu en fowtu.
7 Te a go na fesi krutu, dan meki a kon na krin taki en na wan ogriman.Srefi a begi fu en musu tron wan sondu.
8 No meki a libi langa.Meki wan tra sma teki a wroko fu en leki fesiman.
9 Meki den pkin* fu en tron pkin di no abi p’pa moroèn meki a frow fu en tron wan uma di masra dede kba.
10 Meki den pkin* fu en waka lontu e begi sani.Meki den kmoto na ini a broko oso fu den fu go suku n’nyan.
11 Meki a sma di leni en moni teki ala den sani fu en.*Meki sma di a no sabi fufuru den sani di a abi.
12 Nowan sma musu sori switifasi* gi enèn nowan sma musu du bun gi den pkin fu en, baka te a dede.
13 Nowan bakapkin fu en musu tan na libi.Figi den nen fu den puru, so taki nowan sma no sabi den moro.
14 Meki Yehovah memre den fowtu fu den afo fu en.Gado no musu figi den sondu fu en m’ma puru.
15 Meki Yehovah tan memre den sondu fu den.Meki a figi den puru, so taki nowan sma na grontapu o memre den moro.
16 Bika na ogriwan no ben prakseri fu sori trawan switifasi.*Ma a ben de nomonomo fu kiri den mofinawan,den pôtiman nanga den sma di las’ati.
17 Fu di a ben lobi fluku trawan, meki den srefi fluku dati kon na en tapu.Fu di a no ben lobi blesi trawan, meki a no kisi blesi tu.
18 Den fluku kon de leki wan krosi na en skin.
Den kon de leki watra di kanti go na ini en skinèn leki oli di kanti go na ini en bonyo.
19 Meki den fluku kon de leki wan krosi di domru na en skinèn leki wan banti di tai na en mindribere ala ten.
20 Na so Yehovah o pai den sma di e gens mièn den sma di e taki ogri fu mi.
21 Ma yu Yehovah, na a Moro Hei Masra.Du bun gi mi, so taki yu nen kan kisi grani.
Ferlusu mi, fu di a bun-ati* fu yu bigi.
22 Mi pôti èn mi no abi nowan sma fu yepi mi.Mi ati priti.
23 Mi e psa gwe neleki fa wan skaduw e psa gwe.Den seki mi puru neleki fa sma e seki wan sprenka puru na wan krosi.
24 Mi kindi kon swaki fu di mi e faste.*Mi kon mangri èn mi e swaki e gwe.*
25 Den e teki mi leki spotpopki.
Te den e si mi den e seki den ede.
26 Tye Yehovah mi Gado, yepi mi.Ferlusu mi, fu di yu na wan Gado di e sori sma bun-ati.*
27 Sma musu kon sabi taki na yu ferlusu mi.Yehovah, den o sabi taki na yu du dati.
28 Den o fluku mi, ma yu o blesi mi.
Te den e opo kon feti nanga mi, yu musu meki den kisi syen.Ma meki yu futuboi prisiri.
29 Meki syen de leki wan krosi na a skin fu den sma di e gens mi.Meki a syen di den kisi kon de leki wan dyakti di den weri na den skin.
30 Mi o opo mi mofo fu prèise Yehovah nanga prisiri.Na fesi furu sma mi o prèise en.
31 Bika a o tnapu na a ret’anusei fu den pôtisma,fu puru den na a anu fu den sma di e krutu den.
Futuwortu
^ Hebrewtongo: „manpkin”.
^ Hebrewtongo: „manpkin”.
^ Noso: „Meki a sma di leni en moni seti val gi ala den sani fu en”.
^ Hebrewtongo: „Mi skin kon mangri èn a no abi fatu (oli)”.
