Psalm 118:1-29
118 Taki Yehovah tangi, bika a bun.En bun-ati* de fu têgo.
2 Meki Israel taki now:
„En bun-ati* de fu têgo.”
3 Meki den sma fu Aron taki now:
„En bun-ati* de fu têgo.”
4 Meki den sma di abi bigi lespeki gi Yehovah taki now:
„En bun-ati* de fu têgo.”
5 Mi bari kari Yah* di mi ben de na nowtu.Yah piki mi èn a poti mi na wan presi pe nowan ogri ben kan miti mi.*
6 Yehovah de na mi sei. Mi no o frede.
San libisma kan du mi?
7 Yehovah de na mi sei fu yepi mi.*Mi o si fa den feanti fu mi o fadon.
8 A moro bun fu suku kibri na Yehovah,leki fu fertrow tapu libisma.
9 A moro bun fu suku kibri na Yehovah,leki fu fertrow tapu heihei sma.
10 Ala den pipel fu grontapu ben lontu mi.Ma na ini a nen fu Yehovahmi ben man kakafutu gi den.
11 Den ben lontu mi, iya, den ben lontu mi na ala sei.Ma na ini a nen fu Yehovahmi ben man kakafutu gi den.
12 Den ben lontu mi leki waswasi.Ma es’esi den dede leki wan faya di e bron wan makabusi.
Na ini a nen fu Yehovahmi ben man kakafutu gi den.
13 Den pusu mi bun tranga* fu mi kan fadon.Ma na Yehovah yepi mi.
14 Yah na mi kibripresi nanga mi krakti.Na en e ferlusu mi.
15 Den ret’ati sma de na ini den tenti fu denèn den e bari fu prisiri fu di Gado ferlusu den.
A ret’anu fu Yehovah e sori a krakti fu en.
16 A ret’anu fu Yehovah e du bigi sani.A ret’anu fu Yehovah e sori a krakti fu en.
17 Mi no o dede, ma mi o tan na libi,so taki mi kan ferteri sma den sani di Yah du.
18 Yah strafu mi hebi,ma a no libi mi fu mi dede.
19 Un opo den portu fu retidu gi mi.Dan mi o psa drape go na insei fu prèise Yah.
20 Disi na a portu fu Yehovah.
Den ret’ati sma o psa drape go na insei.
21 Mi o prèise yu, fu di yu ben piki mièn fu di yu ben ferlusu mi.
22 A ston di den bowman no ben wani,tron a moro prenspari ukuston.*
23 Na Yehovah srefi meki taki disi psa.Gi wi, a moi srefsrefi fu si.
24 Disi na a dei di Yehovah poti.Wi o breiti èn prisiri na a dei disi.
25 Yehovah, wi e begi yu, ferlusu wi!
Yehovah, wi e begi yu, meki wi wini den feanti fu wi!
26 Blesi fu a sma di e kon na ini a nen fu Yehovah.Na a oso fu Yehovah wi ben de di wi blesi unu.
27 Yehovah na Gado.Na en e meki leti skèin gi wi.
Un teki taki fu den bon èn waka nanga den sma di e go na a fesa.Iya, un go na a altari.*
28 Yu na mi Gado. Mi o prèise yu.Mi Gado, mi o gi yu glori.
29 Taki Yehovah tangi, bika a bun.En bun-ati* de fu têgo.
Futuwortu
^ Noso: „Haleluyah!” „Yah” na a syatu fasi fa sma e skrifi a nen Yehovah.
^ Noso: „na wan presi pe mi ben kan de fri”.
^ Noso kande: „makandra nanga den wan di e yepi mi”.
^ Noso kande: „Yu pusu mi bun tranga”.
^ Hebrewtongo: „na ede fu na uku”.
^ Hebrewtongo: „den tutu fu na altari”.
