Psalm 132:1-18
Wan singi fu den sma di e kren go na a foto.
132 Yehovah, mi e begi yu, memre Davidnanga ala den ogri di miti en.
2 Memre fa a ben sweri gi Yehovah,fa a pramisi a Maktiwan fu Yakob:
3 „Mi no o go na ini na oso fu mi.
Mi no o d’don na tapu a bedi fu mi.
4 Mi no o tapu mi ai fu sribièn mi no o dyonko tu,
5 solanga mi no feni wan tanpresi gi Yehovah,wan moi oso* gi a Maktiwan fu Yakob.”
6 Na ini Efrata wi ben de di wi yere san psa.Wi feni a santa kisi na ini a busi.
7 Meki wi kon na ini na oso* fu Gado.Meki wi boigi na fesi a futubangi fu en.
8 Yehovah, mi e begi yu, opo kon na a tanpresi fu yu,iya, yu nanga a santa kisi di e sori a krakti fu yu.
9 Meki retidu de leki wan krosi na a skin fu den priester fu yuèn meki den sma di tai hori na yu bari fu prisiri.
10 No drai baka gi a salfuwan fu yu.No du dati fu David ede, a futuboi fu yu.
11 Yehovah ben meki wan sweri nanga Davidèn a o du san a sweri. A taki:
„Mi o meki wan fu den bakapkin fu yusdon na tapu yu kownusturu.
12 Efu den manpkin fu yu e hori a ferbontu fu mièn efu den e hori densrefi na den wet di mi e leri den,dan srefi den bakapkin fu deno sdon na tapu yu kownusturu fu ala ten.”
13 Yehovah teki Sion leki a foto fu en.A ben angri fu go libi drape. A ben taki:
14 „Disi na mi tanpresi fu têgo.Na dyaso mi o tan, bika na dati mi ben wani.
15 Mi o blesi a foto disi nanga furu n’nyan.Mi o gi den pôtiwan brede fu nyan teleki den bere furu.
16 Mi o ferlusu den priester fu a fotoèn den sma di tai hori na Sion o bari fu prisiri.
17 Na ini a foto disi mi o meki David kisi moro makti.*
Mi sreka wan lampu gi a salfuwan fu mi.
18 Mi o meki den feanti fu en kisi syen.A kroon na tapu en ede o brenki.”
