Psalm 138:1-8
Wan psalm fu David.
138 Mi o prèise yu nanga mi heri ati.
Na fesi den tra gadomi o singi prèisesingi gi yu.
2 Mi o boigi go na a sei fu a santa tempel* fu yu.Mi o prèise yu nen,fu di yu e sori sma bun-ati* èn fu di ala ten yu e du san yu taki.
Yu sori taki a nen fu yu nanga den sani di yu taki bigi moro ala tra sani.
3 A dei di mi ben kari yu, yu piki mi.Yu gi mi dek’ati èn yu gi mi krakti.
4 Yehovah, ala den kownu fu grontapu o prèise yute den yere san yu pramisi.
5 Den o singi fu den sani di Yehovah du,bika Yehovah abi bigi glori.
6 Yehovah hei èn tòg a e si den sma di abi sakafasi.Ma a no wani sabi noti fu den sma di abi bigifasi.
7 Awinsi omeni ogri de na mi pasi, tòg yu o hori mi na libi.
Efu den feanti fu mi ati bron nanga mi, dan yu o langa yu anu fu yepi mi.Nanga yu ret’anu yu o ferlusu mi.
8 Ala san Yehovah abi na prakseri a o du gi mi.
Yehovah, yu bun-ati* de fu têgo.No gwe libi den sani di yu meki nanga yu eigi anu.
Futuwortu
^ Noso: „santa presi”.
