Psalm 143:1-12
Wan singi fu David.
143 Yehovah, arki a begi fu mi.Grantangi, arki te mi e begi yu fu yepi mi.
Piki mi, bika yu na wan Gado fu retidu èn ala ten yu e du san yu pramisi.
2 No kari a futuboi fu yu kon na fesi krutu,bika gi yu nowan libisma man du san reti ala ten.
3 Mi feanti e suku fu kiri mi.A trowe mi na gron fu trapu mi kiri.
A meki mi tan na dungru presi leki den sma di dede langa ten kba.
4 Mi las’ati.Mi no abi nowan krakti moro.
5 Mi e prakseri fa sani ben de fosi.Mi e denki dipi fu ala den sani di yu du.Mi lobi prakseri* den sani di yu meki nanga yu eigi anu.
6 Mi opo mi anu go na loktu fu begi yu.Mi de leki wan drei kontren di e angri fu yu. (Sela)
7 Yehovah, mi e begi yu, piki mi es’esi.Mi no abi krakti moro.
No kibri yu fesi gi mi,noso mi o kon de leki den sma di e saka go na ini grebi-olo.
8 Meki mi yere fu a bun-ati* fu yu na m’manten,bika na yu mi e fertrow.
Sori mi a pasi di mi musu waka,bika na yu mi kon suku yepi.*
9 Yehovah, mi e begi yu, ferlusu mi fu den feanti fu mi.
Na yu mi lon kon suku kibri.
10 Leri mi fu du yu wani,bika yu na mi Gado.
Na soso bun a yeye fu yu e du gi mi.Meki a tyari mi tapu a pasi pe ogri no o miti mi.*
11 Yehovah, mi e begi yu, hori mi na libi fu yu nen ede.
Puru mi na nowtu fu di yu na wan Gado fu retidu.
12 Puru den feanti fu mi na pasi, fu di yu na wan Gado di e sori sma bun-ati.*Kiri ala den sma di wani du mi ogri,bika mi na yu futuboi.
Futuwortu
^ Noso: „ondrosuku”.
^ Noso: „bika mi gi mi libi abra na yu”.
^ Noso: „Meki a tyari mi go na ini a kondre fu den ret’ati sma”.
