Psalm 146:1-10
146 Prèise Yah!*
Mi o prèise Yehovah nanga mi heri ati.
2 Mi heri libi langa mi o prèise Yehovah.
Solanga mi de na libi mi o singi prèisesingi* gi mi Gado.
3 No poti un fertrow tapu heihei smanoso tapu iniwan libisma, bika den no man ferlusu unu.
4 En blo e tapu. A e tron doti baka.Na a dei dati den prakseri fu en e lasi gwe.
5 Koloku fu a sma di abi a Gado fu Yakob leki en yepiman.Iya, koloku fu a sma di e fertrow tapu en Gado Yehovah.
6 En na a Mekiman fu hemel nanga grontapu.Na en meki a se nanga ala den sani di de na ini.En na a sma di de fu fertrow ala ten.
7 A e koti krutu na wan reti fasi gi den sma di trawan e bedrigi.A e gi n’nyan na den sma di de nanga angri.
Yehovah e ferlusu den sma di de na strafu.*
8 Yehovah e opo den ai fu den breniwan.Yehovah e opo den sma di brokosaka.Yehovah lobi den ret’ati sma.
9 Yehovah e kibri den trakondre sma di e libi na mindri en pipel.A e sorgu gi den pkin di no abi p’pa èn gi den uma di masra dede kba.Ma a e tapu den ogrisma fu du den ogri di den abi na prakseri.*
10 Yehovah o de Kownu fu ala ten.Sion, a o de yu Gado fu têgo.
Prèise Yah!*
Futuwortu
^ Noso: „Haleluyah!” „Yah” na a syatu fasi fa sma e skrifi a nen Yehovah.
^ Noso: „prei poku”.
^ Hebrewtongo: „den sma di tai”.
^ Noso: „a e bruya a pasi fu den ogrisma”.
^ Noso: „Haleluyah!” „Yah” na a syatu fasi fa sma e skrifi a nen Yehovah.
