Psalm 23:1-6
Wan singi fu David.
23 Yehovah na mi Skapuman.
Mi no o mankeri noti.
2 A e meki mi d’don na ini wei pe furu grasi e gro.A e tyari mi go rostu na presi pe furu watra e lon.*
3 A e meki mi kisi krakti baka.
Fu di a e prakseri a nen fu en, meki a e yepi mi fu libi na wan reti fasi.
4 Awinsi mi e waka na ini a lagipresi di dungru srefsrefi,tòg mi no e frede nowan ogri,bika yu de nanga mi.Na yu skapuman-tiki e meki taki mi no e frede noti.*
5 Leti na fesi mi feanti yu seti wan tafra gi mi.
Yu lobi oli gi mi ede.A kan fu mi furu te na a lanki.
6 Solanga mi de na libi, a bunfasi nanga a lobi* fu yu o de nanga mi.Mi heri libi langa mi o tan na ini na oso fu Yehovah.
