Psalm 25:1-22
Wan psalm fu David.
א [Alef]
25 Tye Yehovah, na yu mi e begi nanga mi heri ati.
ב [Bet]
2 Mi Gado, na yu mi e fertrow.Mi e begi yu fu no meki mi kisi syen.
No meki den feanti fu mi prisiri fu di mi de na nowtu.
ג [Gimel]
3 Iya, nowan sma di e howpu na yu tapu o kisi syen.Ma na den sma di e drai baka gi yu o kisi syen.
ד [Dalet]
4 Tye Yehovah, sori mi den pasi fu yu.Leri mi fa fu waka den pasi fu yu.
ה [He]
5 Meki mi waka a reti pasi fu yu èn gi mi leri,bika yu na a Gado di e ferlusu mi.
ו [Waw]
Heri dei mi howpu na yu tapu.
ז [Sayin]
6 Tye Yehovah, memre taki yu na wan Gado di abi sar’atièn taki ala ten* yu sori a pipel fu yu taki yu lobi* den.
ח [Het]
7 No memre den sondu di mi du noso den fowtu di mi meki di mi ben yongu.
Mi e begi yu fu memre mi, fu di yu na wan sma di e sori lobi.*Yehovah, no fergiti mi, fu di yu na wan bun Gado.
ט [Tet]
8 Yehovah na wan bun Gado èn a e du sani na wan reti fasi.
Na fu dati ede a e leri den sondari fa fu waka a yoisti pasi.
י [Yod]
9 A o yepi den safr’ati sma fu du san bun.A o leri den safr’ati sma fa fu waka den pasi fu en.
כ [Kaf]
10 Te sma e du san Gado e taigi den èn te den e hori a ferbontu fu en,dan ala ten Yehovah e du sani fu sori taki a lobi* den èn taki a e tan horbaka gi den.
ל [Lamed]
11 Tye Yehovah, prakseri a nen fu yuèn gi mi pardon fu a bigi sondu fu mi.
מ [Mem]
12 Suma na a sma di abi bigi lespeki gi Yehovah?
Gado o sori a sma dati sortu pasi a musu waka.
נ [Nun]
13 A sma dati o si san bunèn den bakapkin fu en o libi na grontapu fu ala ten.
ס [Samek]
14 Na den sma di abi bigi lespeki gi Yehovah kan de bun mati fu en.Na den a e sori san a abi na prakseri fu du.
ע [Ayin]
15 Ala ten mi e suku yepi na Yehovah,bika na en o puru mi futu na ini a nèt.
פ [Pe]
16 Poti prakseri na mi èn du bun gi mi,bika mi de mi w’wan èn nowan sma de fu yepi mi.
צ [Tsade]
17 Den brok’ede fu mi kon moro furu.Puru mi na ini a banawtu disi.
ר [Resj]
18 Poti prakseri na den banawtu nanga den problema fu mièn gi mi pardon fu ala mi sondu.
19 Luku omeni feanti mi abi.Fu di den e teige mi, meki den wani du ogri nanga mi.
ש [Syin]
20 Mi e begi yu fu kibri mi èn fu ferlusu mi.
No meki mi kisi syen, bika na yu mi kon suku kibri.
ת [Taw]
21 Kibri mi, bika mi e tan dini yu èn mi e du san reti.Na tapu yu mi e fertrow.
22 Mi Gado, puru Israel na ini ala den nowtu fu en.
Futuwortu
^ Noso: „taki na ini den ten di psa”.
