Psalm 34:1-22
Wan psalm di David skrifi, baka di Abimeilek yagi en fu di a ben e du leki wan lawman na en fesi.
א [Alef]
34 Mi o prèise Yehovah ala ten.Mi o tan gi en grani.
ב [Bet]
2 Mi o prèise Yehovah gi den sani di a du.Den safr’ati sma o yere èn den o prisiri.
ג [Gimel]
3 Gi Yehovah glori makandra nanga mi.Meki wi alamala prèise en nen.
ד [Dalet]
4 Mi begi Yehovah fu a yepi mi èn a piki mi.
A sorgu taki mi no ben e frede moro.
ה [He]
5 Koloku fu den sma di e fertrow na en tapu,bika noiti den o kisi syen.
ז [Sayin]
6 A mofinawan disi* bari kari Yehovah èn Gado arki en.
Gado puru en na ini ala den nowtu fu en.
ח [Het]
7 Na engel fu Yehovah de lontu ala den sma di e lespeki Gadoèn a e ferlusu den.
ט [Tet]
8 Tesi èn si taki Yehovah bun.Koloku fu a sma di e go suku kibri na en.
י [Yod]
9 Lespeki Yehovah, un alamala di e dini en,*bika den wan di e lespeki en no e mankeri noti.
כ [Kaf]
10 Srefi den yongu lew* angri e kiri son leisi,ma den sma di e suku yepi na Yehovah no o mankeri noti.
ל [Lamed]
11 Un kon mi manpkin, un arki mi.Mi o leri unu fa fu abi lespeki gi Yehovah.
מ [Mem]
12 Efu yu lobi a libièn efu yu e angri fu si soso bun ten,
נ [Nun]
13 dan sorgu taki yu no taki ogri nanga yu mofo*èn yu* no taki sani fu bedrigi sma.
ס [Samek]
14 No du ogri moro, ma du san bun.Suku freide èn du muiti fu feni en.
ע [Ayin]
15 Den ai fu Yehovah e si den sma di e du san retièn den yesi fu en e yere te den e bari suku yepi na en.
פ [Pe]
16 Ma Yehovah e drai baka gi den wan di e du ogri.A o figi den puru na grontapu, so taki nowan sma no memre den moro.
צ [Tsade]
17 Den ret’ati sma bari kari Yehovah èn a yere den.A puru den na ini ala den nowtu fu den.
ק [Kof]
18 Yehovah de krosbei fu den sma di las’ati.A e ferlusu den wan di brokosaka.
ר [Resj]
19 A sma di e du san reti abi furu problema,ma Yehovah e lusu den alamala gi en.
ש [Syin]
20 A e kibri ala den bonyo fu a sma disi,so taki nowan fu den broko.
ת [Taw]
21 Ogri o miti den ogrisma èn den o dede.Den wan di no lobi den ret’ati sma o kisi strafu.
22 Yehovah e kibri a libi fu den futuboi fu en.Nowan fu den sma di e lon go kibri na en o kisi strafu.
Futuwortu
^ Soleki fa a sori, dan na a sma di skrifi a psalm disi e kari en srefi „a mofinawan”.
^ Noso: „un di a teki fu wroko gi en”.
^ Noso: „yongu lew di abi w’wiri na den neki kba”.
^ Hebrewtongo: „yu tongo”.
^ Hebrewtongo: „yu mofobuba”.
