Psalm 37:1-40
Wan psalm fu David.
א [Alef]
37 No ati bron te sma e du ogri.No dyarusu tapu ogrisma.
2 Neleki grasi den o drei gwe es’esièn neleki grun grasi den o pori gwe.
ב [Bet]
3 Fertrow tapu Yehovah èn du san bun.Tan libi na grontapu èn du sani nanga wan krin ati.
4 Prisiri nanga Yehovah,dan a o gi yu san yu ati wani.
ג [Gimel]
5 Poti yu libi na ini Yehovah anu.Fertrow na en tapu, dan ensrefi o yepi yu.
6 Neleki fa a leti fu son de krin fu si na m’manten, na so a o meki ala sma si den bun di yu e du.A o meki a retidu fu yu skèin, neleki fa son e skèin na mindridei.
ד [Dalet]
7 Tan pî te yu de na fesi Yehovahèn wakti en nanga pasensi.
No nyan yu nirite sma e du den ogri di den e sdon e prakseri.
ה [He]
8 No ati bron èn no rigeri moro.No mandi èn no go du ogri.*
9 Bika Gado o kiri den ogrisma,ma den sma di e howpu tapu Yehovah o kisi grontapu.
ו [Waw]
10 Ete wan syatu pisi ten èn den ogriwan no o de moro.Yu o luku pe den ben de fosi,ma den no o de moro.
11 Ma den safr’ati sma o kisi grontapuèn den o abi furu prisiri fu di freide o lai.
ז [Sayin]
12 Na ogriwan e sdon prakseri fa a kan du ogri nanga den ret’ati sma.Te a e si den a e kuku fu atibron.*
13 Ma Yehovah o lafu en,bika a sabi taki a sma dati o dede wan dei.
ח [Het]
14 Den ogriwan hari den fet’owru èn den span den bofu meki den pôtiwan nanga den sma di e pina fadon,iya, fu kiri den wan di e waka a reti pasi.
15 Ma den fet’owru fu den o boro den eigi ati.Den bo fu den o broko.
ט [Tet]
16 Awinsi wan ret’ati sma no abi furu sani,tòg dati moro bun leki den gudu fu furu ogrisma.
17 Den anu fu den ogrisma o broko,ma Yehovah o horbaka gi den ret’ati sma.
י [Yod]
18 Yehovah sabi san e miti den sma di e du san reti*èn a o gi den wan gudu di o tan fu ala ten.
19 Den no o kisi syen te problema miti den.Den o abi nofo n’nyan te angriten de.
כ [Kaf]
20 Ma den ogriwan o dede gwe.Den feanti fu Yehovah o drei gwe leki a grasi fu moi weigron.Den o wai gwe leki smoko.
ל [Lamed]
21 Den ogriwan lobi leni sondro fu pai baka,ma den ret’ati sma e du bun gi trawan èn den lobi fu gi sma sani.
22 Den sma di Gado blesi o kisi grontapu,ma a o kiri den wan di a fluku.
מ [Mem]
23 Te wan sma e libi na wan fasi di e prisiri Gado,dan Yehovah o sori en a pasi di a musu waka.
24 Awinsi a sma dati stotu en futu, a no o fadon na gron,bika Yehovah e hori en anu.*
נ [Nun]
25 Mi ben yongu, now mi kon owru.Ma noiti mi si taki Gado gwe libi wan ret’ati sma.Noiti mi si taki den pkin fu en e waka e suku n’nyan.
26 Ala ten a ret’ati sma e leni sma iniwan sani di den abi fanowdu.Dati meki den pkin fu en o kisi blesi.
ס [Samek]
27 No du ogri, ma du san bun.Dan yu o tan libi na grontapu fu ala ten.
28 Yehovah lobi te sani e waka na wan reti fasi.Dati meki a no o gwe libi den sma di e tai hori na en.
ע [Ayin]
A o kibri den fu ala ten.Ma a o kiri den pkin fu den ogrisma.
29 Den ret’ati sma o kisi grontapuèn fu têgo den o libi drape.
פ [Pe]
30 A mofo fu a ret’ati sma e taki koni sanièn a tongo fu en e taki sani di reti.
31 A wet fu a Gado fu en de na ini en ati.Te a e waka a no o grati fadon.
צ [Tsade]
32 Den ogrisma e seti luru gi den ret’ati smaèn den e suku fu kiri den.
33 Ma Yehovah no o libi den ret’ati sma gi den ogrismaèn a no o strafu den te den kon na fesi krutu.
ק [Kof]
34 Howpu tapu Yehovah èn tan waka a pasi fu en,dan a o gi yu a grani fu libi na grontapu.
Te a o kiri den ogriwan yu o si dati.
ר [Resj]
35 Mi si fa a libi ben e go bun gi den ogr’ati sma.Den ben de leki wan bigi bon di e gro na ini bun doti.
36 Ma fosi yu denki den dede gwe èn den no ben de moro.Mi suku den, ma mi no feni den.
ש [Syin]
37 Hori den sma na ai di e du bun*èn luku san den krin-ati sma e du,bika na ini a ten di e kon sani o waka bun gi den.
38 Ma ala den sma di e du sondu o dede.Te fu kba den ogriwan no o de moro.
ת [Taw]
39 Yehovah e ferlusu den ret’ati sma.En na a fortresi* fu den te den de na nowtu.
40 Yehovah o yepi den èn a o ferlusu den.
A o ferlusu den fu den ogriwan èn a o kibri den,bika na en den e lon go suku kibri.
Futuwortu
^ Noso kande: „No ati bron bika sani no o waka bun”.
^ Hebrewtongo: „a e kaw tifi”.
^ Hebrewtongo: „sabi den dei fu den sma di e du san reti”.
^ Noso: „nanga En anu”.
^ Noso: „di e tan du a wani fu Gado”.
